CHUNGH 2
Mangso Khyen dah Hwankti
1 Dius nyau jens chamus gomloeus toq das zis sont las,Ref 2.1-2: Lgy 4.25-26
dius jens chamus vkom mha lhaink nyeis au?
2 Yhensain yahge nyah coeu juot kham soeu lhyi tyi lha
nyeisjvng hwankti jens yahge guon bang dvgeh huom lha taiq zis gas,
3 Yang lyis twih toh cho thyet tyamp goh,
nyamoq dah twih doeuh tyamp goh, tsain ge.
4 Yhensain ka Maukhung mha nyah hwankti tank masyah yis las,
nyamoq dah sont cho lhyi jwangh.
5 Nyang nhaiqyo zis yah nyamoq lyis taiq das,
nhaiqlom phot phot tsoeu zis yah nyamoq lyis kyuk das zis gas,
6 Ngos ngah hwankti lhyi
ngah gyingshang jing, Zion mha toh.
7 Ngos Yhensain dah zaudang kyoh das:Ref 2.7: Lgy 13.33; Heb 1.5, 5.5
Nyang ngos lyis taiq zis gas, Nvng ngah Lo nghuot,
Khvnyhik ngos nvng lyis ngah gungs masyah yaus kat.
8 Ngos lyis dung aq, ngos dius nyau jens lyis nah vso kuot das;
nyeisjvng gonh nvng xauh sain das.
9 Nvng nyamoq lyis thyeq dunghkuq yah thyoq tyamp las,Ref 2.9: Nyoq 2.26-27, 12.5, 19.15
auh shonh soeu ka auh lyis khyop tyamp teh thungh thyi tyamp das.
10 Housoeh las hwankti jens eh, hai zaih nhang cho lhyi gyo yoeus geh;
Nyeisjvng thoq guon bang eh, xuq geh.
11 Yhensain lhyi gyukwoms zis yah phuqsoe geh,
ehnyet nyhen mha gyoh zis yah,
12 Nyang lyis paiq geh.
Housoeh ma nghuot lyis gas nyang nhaiq lvnyap yo las
namoq hauh cho mha dyoqbis das.
Nyang lyis khau nges bang dvnganh gas ngelhoq.