CHUNGH 149
Chungh dah Chunghthwe
Yhensain lhyi chunghthwe vsaiq yah chungh geh;
gyingshang bang dah huom mha nyang lyis chungh cho chunghthwe kat geh.
2 Israel gas nyah Gvnkhanh Soeu mha gaus las,
Zion lo jens gas nyamoq hwankti mha gauslaus nyeis bas jungh.
3 Nyah nyings lyis goh las chungh bas jungh;
jyoeu yahge toenk bat las nyang lyis chunghthwe kat bas jungh.
4 Khasoeh ge lyis Yhensain ka
nyah vnyau lyis nhaiqdoeus las,
ehnyet nyhen mha gyoh bang lyis khyuot yoeus zis yah shunk dyei.
5 Gyingshang bang gas phunk lyis gauslaus bas jungh;
nyamoq dah yhetyos mas eq gauslaus zis yah chunghthwe tsain kaiq kat bas jungh.
6 Nyamoq loq mas nyamoq dah tyingh sham chi lha
nah chungh cho nyamoq nhuot mas kaiq chungh bas jungh.
7 Nyamoq gas dius nyau jens lyis lvto phuk las,
dius jens lyis yobos dyei bas jungh.
8 Nyamoq hwankti jens lyis shamjvng yah,
nyamoq dah nyoqnho ngelang bos bang lyis thyeq yah twih das.
9 Nyamoq gas soetuon cho lhaih toh zis yah dvyhangteh,
gyingshang bang dvnganh masyah Mangso ka nyoqnho ngelang dyei zis xauh.
Yhensain lhyi chungh geh!