CHUNGH 14
Dius dah Lhung Cho
(Chd 53)
1 Koh bang gas nyamoq nhaiqlom mas, Mangso ma bos, ge taiq.Ref 14.1-3: Rom 3.10-12
Nyamoq gas yonh tyamp las, gyukphoh cho tsain kuot.
Jus dah muh kuot soeu hank eq ma bos.
2 Joeui bos bang, Mangso lhyi paiq bang bos ma bos yoeuh das zis,
Yhensain ka maukhung mhayah cangsoeu lo jens lyis yoeuh kat.
3 Yuk khanghmuh nungs doms loh goeus;
nyamoq dvnganh dvyhangteh ma gis.
Jus zis hank ma kuot, dvyuk yangh ma kuot.
4 Nyamoq gas ngah dius jens lyis thyoqzo zis yah kang dwis las;
ngos lyis khanhamp eq shvmanh ma dung.
Hai ma gis muh kuot bang nyamoq pvlhyahlyoeus kuot zis nyamoq ma seq lhyeh, ge Yhensain nyei.
5 Nghuot laus eq nyamoq svsoh gyuk dvn das:
khasoeh ge lyis Mangso ka nyah domsyos gyo bang yah dvgeh nghuot.
6 Ehnyet nyhen mha gyoh soeu dah nghamh toh cho lhyi, ma gis zis kuot bang yah lhoq thyoq mes, laus eq
Yhensain ka nyang lyis gos toh dyei.
7 Israel xiklyis Zion masyah ung cho thuq los bas jungh oen shvmanh dung!
Yhensain ka Israel dius jens lyis nyeisgis yap doms lhoq nhang lyis
nyamoq kha iq pyo das lah!