CHUNGH 137
Jons Loh yvmas Kuknyingh
1 Ngamoq Babilon mau, jeislvng yvm mas tsung toh;
houmha ngamoq Zion lhyi soh las ngaus.
2 Ngamoq dah toenk lyis
hauh vnvm mas dah gyvlung zains mas dvtsain lhangh toh.
3 Houmha ngamoq lyis shwih jons loh bang chunghthwe sang.
Ngamoq lyis shwih jons loh bang, nyamoq lyis shvpyo geh ge sang.
Zion dah cho ngamoq lyis chunghthwe kat kyoh geh, ge.
4 Ngamoq lvbaus mau mas nyeis las
Yhensain lhyi chunghthwe ma yoh kat das lah.
5 Yerusalem eh, ngos nvng lyis tohnyhik lyis gas,
ngos khanhamp eq toenk ma yoh doms bat lo bas jungh.
6 Ngos nvng lyis ma soh,
nvng gas ngos gauslaus thank cho nghuot oen ma nghamh lyis gas,
ngos khanhamp eq chunghthwe ma yoh doms kat lo bas jungh.
7 Yhensain eh, Yerusalem lyis nyhik loh nyeih lyis
Edom dius jens khasoeh kuot yvlyis soh dyei aq.
Nyamoq gas, Nyeisjvng mas jweh shoq thyoq khyoq geh ge
khasoeh sang yvlyis soh dyei aq.
8 Babilon eh, nvng gas dyoqbis das.Ref 137.8: Nyoq 18.6
Nvng ngamoq lyis kuot zis yah dvyhangteh nvng lyis lvto yoh phuk soeu ka ngelhoq.
9 Nah lonoeuh jens lyis yoeus las
lukzains mas thungh thyi dyei soeu ka ngelhoq.