CHUNGH 130
Pangh das xiklyis Dung
1 Yhensain eh, loh thank yomgyau masyah ngos nvng lyis lui.
2 Yhensain eh, ngos kaiq thwe gyo dyei aq;
ngos lyis pangh das xiklyis dung zis jenh nhaiqnyen aq.
3 Yhensain eh, nvng ngamoq dah yaunos comh toh lyis gas,
nvng dang thang thyet masyah hank yoh phang luiq das lah?
4 Nghuot laus eq nvng ngamoq lyis yobos khyuot dyei las
gyukwoms zis yah nah domsyos gyo chah.
5 Ngos Yhensain pangh das yvlyis nhaiq wvng wvng langh nyeis,
ngos nyah dang lyis loms toh.
6 Ngos Yhensain lhyi langh zis gas,
zungh bang mau buh los das yvlyis langh thoq lyis zes nhaiq wvng nyeis.
Zungh bang mau buh los das yvlyis langh thoq lyis nghuot.
7 Israel eh, Yhensain lhyi loms aq:
khasoeh ge lyis nyah jyetdap zis gas mathank magons nghuot.
Nyang gas vjangh yah khyuot yoeus mes.
8 Nyang gas nyah dius jens Israel lyis nyamoq dah yaunos dvnganh masyahRef 130.8: Mat 1.21; Tit 2.14
khyuot yoeus das soeu nghuot.