4
Yesu lyis Shiwu
(Mak 1:12-13; Luk 4:1-13)
1 Hauh thang lhyi yius yah shiwu zis xauh das xiklyis, Dyos gas Yesu lyis mhanhdyvp pheh shwih loh.Ref 4.1: Heb 2.18, 4.15
2 Wom ma zo zis nyeici nyeih nyeici nyens thang lhyi Yesu wom yuot.
3 Hauh thang lhyi yius nyah jyank mas los las taiq zis gas, Nvng Mangso dah Lo nghuot lyis gas, haih lukgoq lyis ohlhyoq bweh nhang aq, ge.
4 Yesu nyang lyis phuk taiq zis gas, Dius gas ohlhyoq yah kyingh yoh dwis nyeis zis ma nghuot: Mangso nhuot masyah thuq dah dang khonh khanghmuh yah yoh dwis nyeis das, ge lhaih toh, ge.Ref 4.4: Lyi 8.3
5 Tsai, yius gas Yesu lyis Gyingshang wus Yerusalem mas shwih loh las, Yhenmuh thyoh mas yap nhang lha taiq zis gas,
6 Nvng Mangso dah Lo nghuot lyis gas o mha dyvm gyoh aq. Khasoeh ge lyisRef 4.6: Chd 91.11-12
nah khyei lukzains mas ma thungh das xiklyis,
nyang nyah loeuswons bang lyis tying toh las,
nyamoq loq yah nvng lyis po yoeus das,
ge lhaih toh, ge.
7 Yesu phuk taiq zis gas, Nvng Yhensain nah Mangso lhyi vshi yoeuh ge lhaih toh, ge.Ref 4.7: Lyi 6.16
8 Tsai, yius gas Yesu lyis svsoh nyhang dah boms thoq mas shwih doq loh las, mungkvn mas dah munghdan dvnganh yahge nyamoq dah kuhxing cho dvnganh lyis chixoeuq.
9 Yius gas, Nvng gop las ngos lyis paiq lyis gas, hauh zis dvnganh yah ngos nvng lyis dyei das, ge.
10 Yesu nyang lyis phuk taiq zis gas, Satan eh, thuq loh aq: Khasoeh ge lyis nvng Yhensain nah Mangso lhyi paiq las, nyang lyis kyingh phuqsoe chah, ge lhaih toh, ge.Ref 4.10: Lyi 6.13
11 Yius gas Yesu jyank masyah gang loh goeus las, loeuswons bang nyang lyis los phuqsoe.
Galile mas Yesu Muh Xi
(Mak 1:14-15; Luk 4:14-15)
12 Yohan thung khyoq zis xauh cho Yesu xauhgyo lyis, nyang Galile mau pheh thuq khoq.Ref 4.12: Mat 14.3; Mak 6.17; Luk 3.19-20
13 Nyang Nazaret mas ma nyeis. Zebulun yahge Napthali mau Galile Thomh yvm, Kaperna-um wus mas loh nyeis.Ref 4.13: Yoh 2.12
14 Haih cho ka, lvpe Esaia taiq khoq dang nyuk los das xiklyis nghuot.
15 Hauh zis gas,
Zebulun mau yahge Napthali mau,Ref 4.15-16: Esa 9.1-2 thomh yvm chank yah,
Yodan lvng thyitvp gohnyau bang nyeis dah Galile mau;
16 Mauchuotdwang mas tsung toh bang gas, bvng zainsmuh nyvng goeus.
Shei mau yahge hauh siyet khau mha tsung toh bang jyank mas bvng zis thuq los goeus,
ge.
17 Hauh shishenh masyah Yesu gas, Maukhung munghdan gas ni los goeus las namoq yaunos masyah tauh los geh, ge nyah loeus taiq hoeuh zoh loh.
Dius Nyei Yuk lyis Khi.Ref 4.17: Mat 3.2
(Mak 1:16-20; Luk 5:1-11)
18 Yesu Galile thomh yvm chank yah suh loh lyis, oeng nhoh zo dah vmang vnoeuh aiq yuk, Petru ge dah Simon yahge nyah vnoeuh Andre gas thomh mas nyho yah oeng gaiq nyeis zis lyis nyvng.
19 Yesu nyah zomh lyis taiq, Ngah thang mha chank los geh, ngos nah zomh lyis dius nhoh nhang das, ge.
20 Nyah zomh gas houjang yah nyamoq nyho tsain toh khoq las nyah thang mha chank loh.
21 Hou mhayah doms loh lyis, gohtoeu vmang vnoeuh dvzomh, Zebedi dah lotang Yaku yahge Yohan lyis nyvng. Nyamoq gas lhyik khau mha nyamoq uwus Zebedi yah dvgeh nyho pho nyeis. Yesu gas nyah zomh lyis khi.
22 Housoeh nyah zomh gas houjang yah nyah zomh dah uwus yahge lhyik lyis toh khoq las nyah thang mha chank loh.
Yesu Galile mas Jyauh, Yhoh
(Luk 6:17-19)
23 Yesu gas Galile dvmau gonh loh las lyi jungs mas jyauh. Munghdan cho Gausyis Dang taiq hoeuh uhlyis yah, dius jens dah nos vja ja yahge noslom vja ja lyis gis los nhang.Ref 4.23: Mat 9.35; Mak 1.39
24 Housoeh nyah nyings gas Siria dvmau gonh hoeuh loh yvmvyah, nyamoq gas nos bang, yau khih chang khih bang, yius kuq bang, chuot bang yahge gungsjen shei bang dvnganhmoq lyis nyah jyank mas shwih lyih las, nyang nyamoq lyis gis los nhang.
25 Housoeh Galile yahge Dekapoli mau, Yerusalem, Yuda mau yahge Yodan lvng thyitvp mas dah dius moqjens nyah thang mha chank los.