40
1-2 Yoba eh, nvng Yomzains Mangso lhyi loqyom tyonh.
Gvshih nvng vsomh kham das lah, phuk taiq das lah, ge.
Yoba
3-4 Yoba Yhensain lhyi phuk taiq zis gas,
Yhensain eh, ngos vkoh vpaq taiq goeus.
Ngos cha yoh phuk das? Ngos cha ma taiq lo.
5 Ngos taiq gis thoq lyis zes shoq taiq tyamp goeus, ge.
6 Hauh thang lhyi Yhensain lyeisjyang mhayah Yoba lyis dvlhain doms jis.
Yhensain
7 Zungh zungh toq yap las ngos nyei zis toeuh aq.
8 Nvng ngos lyi ma jus cho lhyi tungh kyink nyeis lhyeh?
Nvng ngos lyis ma jus yvmas toh las nvnyang gas jus yvmas nyeis lhyeh?
9 Nvng ngos teh yombos lhyeh?
Nah thwe ngah maujau thwe iq yoh than lhyeh?
10 Nghuot lyis gas nah nyoqnho ngelang yahge nah khwank cho mha toq yap aq.
Shoenkkhyi yahge phunk lyis wuot toh aq.
11 Khwank bang lyis yoeuh aq, nvng nhaiqyo zis huot khyoq,
ehnyet nyhen nhang aq.
12 Nghuot goeus, nyamoq lyis yoeuh las duon khyoq aq;
lhung bang lyis nyamoq yap yvmas thungh thyi aq.
13 Nyamoq dvnganh lyis nyeisjvng mas nyhop tyamp aq;
nyamoq lyis shei mau mas twih toh aq.
14 Housoeh lyis ngos gas nvng lyis cangxeih chungh soeu nghuot das,
nvng nvnyang ung cho yoh goeus oen rhen das.
15 Hau kuh dah dumbaunote 40.15 Dumbau lyis dvkhamh gas jeisnyang, dvkhamh gas gohlhain dah vdoeu zainsmuh ge sang lyis yoeuh aq, ngos nyang lyis gvnkhanh toh, ngos nvng lyis eq gvnkhanh toh.
Nyang gas noeu teh mhanh zo nyeis.
16 Nghuot laus eq nyah gungs mas yom kha iq bos,
nyah gyi mas yomsoq kha iq bos.
17 Nyah lhyank gas arit zains teh toeutsung,
nyah khyei mha dah gyi gas yombos.
18 Nyah shohyau gas thunk teh yombos,
nyah khyei eq thyeq tungh teh nghuot.
19 Ngos gvnkhanh toh zis dvnganh mas mauh thank zis nghuot.
Nyang lyis gvnkhanh soeu kyingh nyang lyis dvyoh ung.
20 Yewus jens pant dah jing mas mhanh gas
nyang lyis tsoh bes kat.note 40.20 Ngis zis 20 Hebre mas ma bvng.
21 Nyang gas zoeu gyomh khyei mha whop joq,
thomhbop jvmbu gyomh mas tamh joq.
22 Zoeugyomh yahge jeislo lvng yvm mas dah gyvlung zains gas
nyamoq dah buisshen yah nyang lyis khaugus dyei.
23 Nyang jeisje los yvlyis ma gyuk;
Yodan lvng nyah nyoqnho mha bat los laus eq nyang nyens nyens dvnyeis.
24 Nyang lyis nyah nyoq chet las hank yoh nyhik das?
Lhyik mas nyah nho lhyi hank yoh nyhik das?