36
1-2 Ngos Mangso nyhenshang cha taiq yvlyis
jhen las dvxa gyo dyei shih aq.
3 Ngah seq cho ka lvm; ngos lyis gvnkhanh soeu Mangso ka
dan yvlyis chixoeuq das xiklyis ngos seq zis yhung das.
4 Ngos nvng lyis ma jus zis cha ma taiq.
Jyoeng dah joeui bos soeu ka nvng yah nyeis.
5 Mangso ka kha iq yombos! Nyang hank lyis eq ma hoeng.
Nyang ma seqgyo zis cha ma bos.
6 Nyang gas yaunos wons bang lyis ma nyeis nhang,
shohjyen bang lyis vjangh lyi jus zis kuot.
7 Nyang gas dan bang lyis gomh toh dyei:
nyamoq lyis hwankti teh guon das toeuh dyei las vcaiq vto chungh zis xauh nhang.
8 Nghuot laus eq hauh dan bang gas shamjvng yah twih las
nyamoq kuot goeus zis xauh kham lhyi,
9 Mangso ka nyamoq dah yaunos yahge khwank cho nyamoq lyis tuonhshet.
10 Nyang nyamoq lyis nyang zaih nhang cho gyo
las ma gis cho mhayah tauh los das xiklyis kuot.
11 Nyamoq Mangso dah domsyos gyo las nyang lyis phuqsoe lhyi,
nyenstap zis yah kang dwis las nyeisgis yaplhoq das.
12 Housoeh ma nghuot lyis gas, nyamoq cha ma seq yvmas shei das,
nyamoq jeislo lvng goeu las shei mau pheh loh das.
13 Mangso ma bos bang gas nhaiqyo nyeis shih.
Joeng zis xauh uhlyis yangh nyamoq lyis pangh das cho ma dung.
14 Nyamoq wotyamh ngis shih lyis shei.
Xoqphuh dah kang dwis cho yah thank tyamp.
15 Nghuot laus eq Mangso ka dius jens lyis khamzo nhang zis yah jyauh,
shanghsenh cho lhyi yhung lha nyamoq lyis seq los nhang, nyvng nhang.
16 Mangso ka nvng yau cho mhayah shwih yoeus las sam yvmas pyo nhang das.
Nah kihgus gas zonoms yah boms joq.
17 Nghuot laus eq gvshih nvng gas nvng yah mon yih
mon yih khyvlyis joeng zis xauh nyeis.
18 Khauwhot yah nvng lyis ma mhuih bas jungh,
nghuot ya dis cho yah nvng lyis ma shwih whang bas jungh zaih nyeis aq.
19 Nah zisyos eq nah yombos cho eq
nvng lyis yau cho mhayah ma yoh pangh thuq kat.
20 Nyenh jweh los das zis v omes;
houka dius nyau jens dyoqbis das shishenh nghuot.
21 Ma gis cho pheh ma tauh loh das zis zaih geh;
nvng xauh khamzo zis gas hou mhayah jhank das xiklyis nhang zis nghuot.
22 Mangso dah yomsoq kha iq kuhxing yvlyis soh aq.
Nyang gas dvnganh dah jyauh soeu zainsmuh nghuot.
23 Mangso lhyi cha kuot das oen hank ma yoh taiq kyoh.
Nyang lyis ma gis zis kuot oen hank ma yoh kauq.
24 Nyang gas nyang kuot goeus dah muhzoh xiklyis vjangh chungh nyeis.
Nvng eq nyang lyis chungh chah.
25 Nyang kuot goeus cho yuk khanghmuh nyvng,
nghuot laus eq yang gas we masyah kyingh dvxauh yoeuh.note 36.25 Dvnganh hank ma seq gyo eq ge.
26 Nyah kuhxing cho lhyi yang dyingh shoq ma yoh seq.
Nyah zvn lyis eq ma yoh suon.
27 Nyang gas jeis yoeus las mauzoq pheh lhaiq kat Mangso nghuot.
28 Nyang jyommauh masyah mau wus nhang,
cangsoeu dius dvnganh thoq mas jyweq nhang.
29 Jyommauh khasoeh dyos loh cho lhyi hank ma seq,
nghuot ya Mangso nyeis dah maukhung mha
maujau khasoeh nyings loh zis hank ma seq.
30 Nyang maukhung gonh mas maunyoq nyhik kat,
nghuot laus eq thomh theh mas gas noq joq.
31 Heika Mangso dius nyau jens lyis guon cho nghuot.
Nyang dius lyis khasoeh tsohnote 36.31 Tsoh ge zis lyis Hebre mas soetuon ge bos. cho nghuot.
32 Nyang nyah loq yah maunyoq lyis nyhik las
toeuq toh yvmas thungh das zis vmingh dyei.
33 Maujau jau zis gas lyeisjyang los nyeis ge taiq hoeuh.
Houka lyeisjyang los nyeis ge zis noeu jens seq.