20
Shohchen Lvpe dah Vlho
1 Asiria hwankti Sargon dah vmingh yah Asiria jeszau gas Philisti mau Ashdod wus lyis loh zan.
2 Yhensain ka somh zvn xeih las Amoz lo Esaia lyis nyang wuot chi dah yanghthung dyi yahge khyei mha thyvkoq khyuot tyamp nhang. Nyang eq domsyos gyo las khyei chen shohchen suh nyeis.
3 Ashdod wus gyoh las Yhensain taiq, Ngah jyeidwis Esaia gas khyei chen shoh chen suh yenh zis somh zvn nghuot goeus. Haih zis gas Egutu yahge Sudan mas cha bweh los das dah vlho nghuot.
4 Asiria hwankti ka hau aiq mau masyah xauh nyhik dah thung dius jens lyis shoh chen shwih loh das. Egutu lyis xoqphuh nhang das xiklyis nyamoq ngislo kuhlo lyis khyei chen, chuknauh ma nghop shohchen shwih loh.
5 Sudan lyis loms bang yahge Egutu cho khwank bang gas gyuk dvn zis xauh das, xoqphuh das.
6 Hauh buisnyeis jweh lyis Philistia jeisyvm chank yah nyeis bang taiq das zis gas, Yoeuh aq, Asiria hwankti masyah yang lyis gos dyei das xiklyis yang nges toh bang mas cha mus loh goeus au, ge.