12
Nhaiqshoqlang Lvkhyank
1 Dius jens lvkhyank kat das buisnyeis jweh los das.
Yhensain eh, Nvng ngos lyis nhaiqyo laus eq,
Nhaiqyo bi las nhaiqtaink dyei yvmvyah ngos nvng lyis chungh das.
2 Mangso ka ngah khyuot yoeus soeu nghuot;Ref 12.2: Dyu 15.2; Chd 118.14
ngos nyang lyis loms las ma gyuk noh.
Yhensain ka ngah khyuot yoeus soeu nghuot las
nyang ngos lyis yom yahge chunghthwe dyei.
3 Cingh dah jeisdwang gas
jeis shet bang lyis gausyis nhang teh
Mangso nyah dius jens lyis khyuot yoeus lyis nyamoq gausyis das.
4 Dius jens Yhensain lhyi
chungh dah buisnyeis jweh los das.
Yhensain lhyi nhaiqshoqlang sang lha nvng lyis pangh das nyhenshang nyang lyis lui geh.
Nyang kuot cho dius nyau jens dvnganh lyis taiq kyoh geh,
nyang kha iq kuhxing cho nyamoq lyis taiq kyoh geh.
5 Yhensain ka kuhxing cho kuot goeus yvmvyah
nyang lyis chunghthwe kat geh.
Mungkvn gonh nyah loeus xauhgyo bas jungh.
6 Zion mha nyeis ya nyeis bang eh,
Israel dah Gyingshang Mangso ka kuhxing zis yah
nyah dius jens mas nyeis oen kaiq las chungh geh.