20
Lyi Dvci
(Lyi 5:1-21)
1 Hai zis gas Mangso taiq dang tsain nghuot.
2 Ngos gas namoq jons duot nyeis Egutu masyah shwih thuq los, Yhensain, namoq dah Mangso nghuot.
3 Ngos mas lai las gohtoeu mangso lhyi vpaiq.
4 Nvng nah xiklyis maukhung thoq, nyeisjvng thoq, nyeisjvng khau jeis mas nyeis dah vyhang dah gungslho vkuot.Ref 20:4-5: Dyu 34:17; Lew 19:4, 26:1; Lyi 4:15-18, 27:15
5 Nvng phvra lyis gop las vpaiq: khasoeh ge lyis ngos Yhensain, nah Mangso nghuot las ngos yah byi zis ma gis bos. Ngos lyis hoeng bang thoq mas nyamoq dah vnyau vshih somh caiq nyei caiq jweh shoq joeng cho she kat.Ref 20:5-6: Dyu 34:6-7; Gyu 14:18; Lyi 7:9-10
6 Nghuot laus eq ngos lyis jyet las ngah lyi chank bang lyis gas vkhyoengh vmons caiq jweh shoq ngos jyetdap cho chixoeuq.
7 Ngah nyings lyis ma gis dah nghamh toeuq yvmas vyhung: khasoeh ge lyis ngos Yhensain, nah Mangso ka ngah nyings lyis ma jus khyvlyis yhung soeu hank lyis laus eq joeng das.Ref 20:7: Lew 19:12
8 No nyeih lyis gyingshang nhang das zis soh aq.Ref 20:8: Dyu 16:23-30, 31:12-14
9 Nvng nah muh zwi khank das zis khyuk nyeih yoh.Ref 20:9-10: Dyu 23:12, 31:15, 34:21, 35:2; Lew 23.3
10 Nyhet vnyeih gas No nyeih nghuot las ngos lyis kyauh chah. Hauh nyeih lyis hank eq muh ma gis zwi, nvng eq, nah lo jens, nah jons jens, nah gaunyhauq jens, nah mau mas nyeis dah lvbaus eq muh ma gis zwi.
11 Hau khyuk nyeih gyo lyis ngos Yhensain ka maukhung yahge nyeisjvng, thomh yahge houmha bos zis dvnganh lyis gvnkhanh toh, nghuot laus eq nyhet vnyeih lyis gas ngos no nyeis. Housoeh yvmvyah ngos Yhensain ka hauh No nyeih lyis shvmanh las gyingshang nhang toh.Ref 20:11: Vpm 2:1-3; Dyu 31:17
12 Ngos nvng lyis dyei nyeis mau mas nah kang xing bas jungh, nah ungwes uwus lyis phauh nyang aq.Ref 20.12: Lyi 27:16; Mat 15:4, 19:19; Mak 7:10, 10:19; Luk 18:20; Eph 6:2, 3
13 Dius vsat.Ref 20.13: Vpm 9:6; Lew 24:17; Mat 5:21, 19:18; Mak 10:19; Luk 18:20; Rom 13:9; Yak 2:11
14 Nyi shuot lvng vshuot.Ref 20.14: Lew 20.10; Mat 5.27, 19.18; Mak 10.19; Luk 18.20; Rom 13.9; Yak 2.11
15 Vkhauh.Ref 20.15: Lew 19.11; Mat 19.18; Mak 10.19; Luk 18.20; Rom 13.9
16 Nah yhenkyoh lyis ma ying kanghjyoeng vkat.Ref 20.16: Dyu 23.1; Mat 19.18; Mak 10.19; Luk 18.20
17 Nah yhenkyoh yhen lhyi v-omes; nyah yhensain nyhiq, nyah jons jens, nyah noeu, nyah mauhlyihzoe, nyang sain dah vyhang cha lhyi eq nyoq vnoq, ge.Ref 20.17: Rom 7.7, 13.9
Dius jens Gyuk
(Lyi 5:22-33)
18 Dius jens maujau jau thwe, lvbuh nyings thwe xauhgyo, maunyoq nyik zis yahge nyikhauh nhoenk toh boms lyis nyvng lyis, nyamoq gyuk las nvn zis yah we we mas tsain yap joq.Ref 20.18-19: Heb 12.18-19
19 Nyamoq Moshe lhyi taiq zis gas, Nvng ngamoq lyis taiq lyis ngamoq gyo das; Mangso ngamoq lyis taiq lyis ngamoq shei das zis chiqh, ge.
20 Moshe toeuh zis gas, Vgyuk goh, Mangso ka namoq lyis shi yoeuh das xiklyis eq, namoq yaunos ma kuot bas jungh, nyah domsyos gyo nyeis nhang das xiklyis dvgyoh los, ge.
21 Dius jens we we mas yap joq shih las, Moshe ka Mangso nyeis, jyommauh noq yvmas ni loh.
Phon Lyi
22 Yhensain ka Israel jens lyis taiq aq ge Moshe lhyi vmingh dyei. Ngos namoq lyis maukhung mhayah khasoeh jis zis gas namoq nyvng goeus.
23 Ngos lyis paiq cho mha, namoq nyang xiklyis ngwis phvra, xing phvra vkuot.
24 Namoq ngah xiklyis tsoh phon ci geh. Houmha namoq ngheq dyei das jyungshuk yahge namoq dah nyenstap jyungshuk oen das namoq yvng shvbeq yahge noeu yoh dyei das. Ngah nyings yoeus joqyos khanghmuh mas ngos namoq jyank mas jweh las namoq lyis shvmanh dyei das.
25 Namoq ngah xiklyis luk yah phon ci lhyi, tsan toh luk yah vci goh; thyeq yhung lha ci dah phon ka vwot v-oeu nghuot.Ref 20.25: Lyi 27.5-7; Yosh 8.31
26 Ngah phon thoq mas doq das zvmlhangh vkuot; kuot las houmha doq lyis nah shohchen nyvng das.