4
Yhenmuh doms Tsuk yvlyis Tyi
1 Jonsdoeus loh bang tauh los las Yhensain, Israel Mangso dah Yhenmuh tsuk nyeis zis lyis Yuda yahge Benyamin dah jes jens xauhgyo lyis,
2 nyamoq gas, Zerubabe yahge vhuh uhshe bang jyank mas los las nyamoq lyis tsain taiq zis gas, Ngamoq eq namoq paiq dah dvyhangteh dah Mangso lhyi paiq bang nghuot las namoq yah dvgeh Yhenmuh tsuk nhang aq. Ngamoq lyis haih mau mas shwih los dah Asiria hwankti Esahadon zaih masyah Mangso lhyi phudyei, ge.Ref 4.2: 2Hw 17.24-41
3 Nghuot laus eq Zerubabe, Yoshua yahge nyet shih dah Israel vhuh uhshe bang nyamoq lyis taiq, Ngamoq dah Mangso xiklyis Yhenmuh tsuk yvmas namoq ngamoq yah xonh chank ma bos, khasoeh ge lyis ngamoq gas namoq yah cha eq ma doeusgoh. Persia hwankti Kuru vmingh yah dvyhangteh, Yhensain, Israel Mangso xiklyis ngamoq nyang kuot chah, ge.
4 Housoeh hauh mau mas dah dius jens gas Yuda dius jens lyis yomgyau nhang, kyuk las nyamoq Yhenmuh tsuk yvmas lhoq yau.
5 Hauh bang gas Persia hwankti Kuru zaih masyah hwankti Dari zaih jweh shoq, nyamoq kuot das ge toh dah muh lyis lhoeu thyoq das nyhenshang joeui seq dah bang lyis khau whot dyei las kuot nhang.
Yerusalem Doms Ci yvlyis Tyi
6 Artaxerxes zaih, nyang guon xi lhyi, nyamoq gas Yuda yahge Yerusalem mas nyeis dyos bang lyis kauq maussauh lhaih dyei.Ref 4.6: Est 1.1
7 Arta Artaxerxes zaih lyis eq, Bishlam, Mithredat, Tabel, yahge gohtoeu dyenschangh jens gas, Persia hwankti Artaxerxes lyis maussauh lhaih dyei. Hauh maussauh gas Aramik sauhchvp, Aramik nyinghnote 4.7 4:8-6:18 gas Hebre nyingh yah ma lhaih toh, Persia dvmau gonh mas kat dah Aramik nyingh yah lhaih toh yah lhaih toh.
8 Wus guon soeu Rehum yahge lhaih soeu Shimshai ka Yerusalem lyis tyi dah maussauh lhaih las hwankti Artaxerxes lyis dyei.
9 Housoeh Wus guon soeu Rehum, lhaih soeu Shimshai yahge nyamoq dyenschangh jens nghuot dah gohnhamp Erek, Babilon yahge Elam mau Susa mas nyeis, soetuon bang, gohtoeu zau jens
10 yah dvgeh kuhxing lha yomsoq bos dah zau Osnapanote Osnapa Ashurbanipa, ge eq lui gas nyamoq wus masyah thuot yoeus las Samari wus jens yahge Uphrat lvng buiswvng tvp, nyet shih joqyos mas nyeis nhang toh dah dius nyau jens lyis jeshuh kat.
11 Heika nyamoq huon maussauh nghuot.
Uphrat lvng buiswvng pheh bang, nah jons jens gas hwankti zainsmuh Artaxerxes lyis lhaih kat.
12 Hwankti haih cho seq bas jungh, nah jyank masyah ngamoq nyeis yvmas jweh los dah Yuda jens gas Yerusalem mas nyeiscaink yapte lha hauh ma gis dah wus, gomloeus seq toq dah wus lyis doms tsuk nyeis. Nyamoq gas wusciank doms ci goeus las ma nyangh lyis dye ci das, zis seq aq.
13 Hauh wus lyis doms kuot las, wusciank dye ci goeus ya, nyamoq gas khoengh ma kat las, hwankti dah ziskwi yoms loh das zis hwankti lhyi seq nhang.
14 Gvshih ngamoq gas hwankti dah dius jens nghuot las hwankti lhyi lomluk, jyoeng yvmvyah, hwankti phunk nyoqnho ngelang gyoh das cho lhyi ma gis yoeuh nyeis las, ngamoq hwankti jyank mas kyoh kat.
15 Housoeh nah phauh thyeih moq dah comh toh maussauh lyis phanh xo yoeuh aq. Houmha haih wus gas xik pheh kha iq gomloeus toq dah wus nghuot khoq zis lyis xo nyvng das. Haih wus lyis guon das toeuh bos dah hwankti jens yahge munghdan nyoshoq lyis tyi dah mvnyei xing gvng mas haih wus dyoqbis zis xauh.
16 Haih wus lyis doms kuot las wusciank ci toh goeus ya, nvng gas Uphrat lvng buiswvng tvp pheh ma xauh guon lo das oen kyoh kat, ge.
17 Housoeh Artaxerxes phuk kat zis gas, Wus guon soeu Rehum, lhaih soeu Shimshai, yahge Samari wus jens yahge Uphrat lvng buiswvng tvp mas nyeis nyamoq dah dyenschangh jens lyis kyoh kat. Nyenstap nyeis bas jungh.
18 Namoq huon los dah maussauh lyis thaiq lhaih las ngah xikkhonh mas nghap kyoh goeus.
19 Ngos vmingh dyei las xo choq yoeuh lyis, gohlhain haih wus gas hwankti jens lyis gomloeus toq, ma gis zis lhoeu nhunk dah wus nghuot.
20 Phunk nyoqnho bos dah hwankti jens gas Yerusalem mas tsung las Uphrat lvng buiswvng tvp dvnganh lyis guon las, khoengh, jyungshuk, vkhoq lhom yoeus ku goeus.
21 Housoeh las hauh wus doms tsuk masyah nyamoq lyis tomp toh aq. Ngos vmingh ma dyei dvchank hauh wus ma doms yoh gis tsuk.
22 Gvshih zaih zis yah haih zis yoh kuot shoq kuot aq. Ngah munghdan mas dyoq bis cho ma bos los bas jungh, ge.
23 Gvshih hwankti Artaxerxes dah maussauh Rehum, lhaih soeu Shimshai, nyamoq dah dyenschangh jens dah xikkhonh mas nghap kyoh goeus ya, nyamoq gas Yerusalem mas lvnyap doq loh las Yuda jens dah wus doms tsuk muh lyis jes zwis las tomp toh.
Yhenmuh Tsuk Muh doms Xi
24 Housoeh Yerusalem mas Yhenmuh doms tsuk muhzoh no toh las Persia hwankti zainsmuh Dari guon zis aiq vzvn jweh shoq nghuot joq.Ref 4.24—5.1: Hag 1.1; Zek 1.1