15
Zvbiq Nwis Dangtoeuq
1 Yhensain ngos lyis jis.
2 Nyang taiq, Lvcang eh, zvbiq nwis yah saiqzains khasoeh byi? Zvbiq nwis gas saiqkhyam mha saiq thoq lyis zes gis lhyeh?
3 Hauh yvlyis dvja ja kuot das zis yoh yhung lhyeh? Nvng hauh zis yah vyhang lhangh das khyoq khvlangh yoh kuot lhyeh?
4 Zvbiq nwis gas ngheq das thangh dvnghuot; nyi gas hauh vpom, vthyoh, vgungs lyis ngeh tyamp. Houka dvja ja mas yhung jus lhyeh?
5 Houka nyi ma ngheq shih lyis cha yhung pvjus: gvshih ngeh thang lhyi zes las yhung pvjus.
6 Gvshih heika Yomzains Yhensain taiq nyeis. Zvbiq nwis gas mhanhdyvp masyah yoeus las ngheq teh ngos Yerusalem mas nyeis bang lyis yoeus das.
7 Ngos nyamoq lyis joeng das. Nyamoq gas nyi dvkhyomp masyah phang luiq goeus. Nghuot laus eq gvshih nyi yah nyamoq lyis ngeh tyamp. Ngos nyamoq lyis joeng lyis ngos Yhensain nghuot yvlyis namoq seq das.
8 Nyamoq ngos lyis lom ma luk kuot goeus las ngos hauh mau lyis jyamhjyuklhyuk kuot das, ge Yomzains Yhensain taiq goeus.