8
1 Suahpih tuai hi saw ahin
nuam naveng,
semnak lei bangah;
zalam len munah
a sialsikdun bek uhten,
na mui ngim nam tuk veng
sih kum poisa ma veng.
2 Ngaihno kei hu zui inna,
ka zua nu i dong sungno pen,
Ngaih nang cawi thah kekno in;
sabitzu le Talezu, cubel nang
pia tuk veng.
3 Na vei khut tuah kawi inna,
na taklam khut tuah pomin hi.
4 Jerusalem zozaamte aw,
ngaihdun khau supelh
pahsuh un.
Pel tuk ngawl
thutiamin hi.
La Cing Luknak
Numeite:
5 Oh! sulcam pen tul ngel kua kaw
a lenlung tuk val pa,
a khut lenleng a le.
Numei:
Na semnak dongdawhno,
apple kung nuai pen
phong ing;
6 Cu dang nei pah saw maw,
ngaihdang nei pah saw maw
nang ngaih ka thuaknakno cu;
a thi tiamdun bang um
khal hun mei alh lekpi bang.
7 Daita in mittik zo ngawl,
itdunnak ung cu maw;
salun tui i taihzawh ngawl;
neihnakin lei tumtu cu,
mualphonak vanlai khak.
A ningpate:
8 Nawibawk ngawl laihno,
sempih tuai pa khatno cu;
Dinpihtu nei in hung, deihtuno
a leng ahin,
itin donleh kam?
9 Inn up pang bang ahi ahin,
ngun pang tuah um tuk ing,
Inn kongkhah bang ahi ahin,
sidar tuah kalh tuk ing.
Numei:
10 Ka thuang cawm ung cu maw,
tausangte tian sang veng.
Ittu ka hihnak cu
thei leng tuk veng.
Pano:
11 Baal Hamon sabit dum nei a le,
bawimang Solomon in,
mahlaino munah;
dum cingtu nei a le;
Thingngah tei man tukin,
sui sum thawng khat na kul.
12 Dum khat cu nei bok veng,
sui sum thawng khat cu
la in,
Solomon ka ngaihno;
sum za nihno cu,
dum cing ten nei poh hen.
13 Dum sung khungleng ngaihno,
na zei aw ung cu maw;
Cam lual ten thei bok hen;
kei hei na than bokin hi.
Numei:
14 Cubel, ka ngaihno;
ka nelah zuan tohin, namtui
mualhum a um, saleel le
zuksano bang;
ka nelah zuan tohin hi.