9
Saltannak Pen Kik Haw
1 Israel mite cu Innkua tekin, cazin sungah ngatmi cu Israel Kumpi Tei Laibu tihmi ah sialsiah haw hi.
Judah mite cu a sual haw hangin Babilon ah salin tang haw hi.
2 A khua le a inn hawah a kik masabelte cu Israel mipi khenkhat, thiampite, Levi mite le Biakinn a nadektute haw hi.
3 Judah hinnam, Benjamin hinnam, Efraim hinnam le Manasseh hinnamte cu Jerusalem ah hawhin um haw hi. Ref 9:2-3 Ezr 2:27; Neh 7:73;
4-6 Jerusalem ah Judah hinnam innkua za luk le sawm kuah um haw hi. Judah capa Perez i casuante hotu cu Uthai hi; Uthai cu Ammihud capa hi a, Omri casuan hi. A pupa dang cu Imri le Bani haw hi.
Judah capa Zerah i casuante hotu cu Jeuel hi.
7-8 Benjamin hinnam sung pen a nuailam mite cu Jerusalem ah um haw hi.
Meshullam capa Sallu; Meshullam cu Hodaviah capa hi, Hodaviah cu Hassenuah capa hi.
Jeroham capa Ibneiah;
Uzzi capa le Mikri casuan Elah.
Shefatiah capa Meshullam; Shefatiah cu Reuel capa hi, Reuel cu Ibnijah capa ahi.
9 Jerusalem ah a hinnam sung haw pen innkua za kuah le sawm nga pa luk um haw hi. A hum a, min ngatte cu innkua i lubel hi tek haw hi.
Jerusalem A Um Thiampite
10-12 A nuailam a thiampite hi, Jerusalem a um thiampi haw hi:
Jedaiah, Jehoiarib, le Jakhin hi.
Hilkiah capa Azariah cu Biakinn a hotubel hi. A pu le pate cu Meshullam, Zadok, Meraioth le Ahitub haw hi.
Jehoram capa Adaiah; a pu le pate cu Pashhur, le Malkhijah haw hi.
Adiel capa Maasai, a pu le pate cu Jahzerah, Meshullam, Meshillemith le Immer haw hi.
13 Thiampi venghawng hi a innkua tek tei lupi, thawng khat le za salih le sawm luk um haw hi. Amuhte cu Biakinn a, nadehnakah a thiamzet mite haw hi.
Jerusalem Um Levi Mite
14-16 A nuailamte cu Jerusalem a um, Levi mite hi. Hasshub capa Shemaiah; a pu le pate cu Azrikam, Hashabiah le Merari hinnamte haw hi.
Bakbakkar, Heresh le Galal;
Mika capa Mattaniah; a pu le pate cu Zikri le Asaf haw hi.
Shemaiah capa Obadiah, a pu le pate cu Galal le Jeduthun hi.
Asaf capa le Elkanah casuan Berekhiah. Amah cu Netofah mitei ngam sungah um hi.
Jerusalem Um Biakinn Cingkhawitute
17 A nuailamte cu Jerusalem a um Biakinn cingtu haw hi. Shallum, Akkub, Talmon le Ahiman. A hotu haw cu Shallum hi.
18 Atu khan tianin, a hinnamte cu nisuahnak lam kongka, Kumpi Kongkhahnote 9:18 Kumpi Kongkhah tihmi hi, nisuahnak lam kongka pen kumpi a tum mek hangin kumpi kongkhah ti haw hi. ah koih haw hi. Tumasuanin, Levi mitei ngiahbuk kongkhah cingtu haw hi.
19 Kore capa le Ebiasaf casuan Shallum cu Korah i hinpih dangte tuah Topa i umnak Puanbuknote 9:19 Puanbuk tihmi cu Biakinn a neih haw laih ngawlin Pathian a biaknak haw hi. tumnak kongka cingtu haw hi. A pu le pate Topa i ngiahbuk a cin haw laihin, mahti bangin cing zo haw hi.
20 Eleazar capa Finehas in ho hi; Topa cu a lakah umzal hen!
21 Meshelemiah capa Zekhariah cu Topa i umnak Puanbuk kongka cingtu hi.
22 A venghawngin mihing za nih le sawm le pa nih cu kongka le kongkhahte cingtu tukin teng haw hi. Amuhte cu a umnak khua tek haw pen cazin lakmi hi. A pu le pate cu muantak a hih haw hangin kumpi David le profet Samuel in mahtibang nadeh thupi cu dektik hi.
23 Amuh le a casuan tian, Biakinn cu cing leleng haw hi.
24 A ningli: Saklam, hanglam, nisuah le nitumnak lamah kongkhah pa khat ten umin, a cingtu upabel um tek haw hi.
25 Hi kongkhah cingtute cu khuano um a unaupih ten bawm haw in, a hun thekdun pepelin ni salih sung cing haw hi.
26 Kongkhah cingtu upabel pa lite cu Levi mite haw a, dehvo ngengzet nei haw hi. Biakinn sung a khante le a sungah a koih haw mi nate cingkhawi haw hi.
27 Biakinn cingkhawi le zingsial kongkhah hon tuk cu a dehvo haw a hih hangin Biakinn elah a umnak haw hi.
Levi Mi Dadang
28 Adang Levi mite cu Biakinn sung Pathian biaknak a, manmi beel le kuangte cingkhawitu haw hi. Man laih ngawl sial haw in, a man ceng haw ten sialleh haw hi.
29 Adang cu manmi na thiangthote, cangho vam, olif situi, namtui le masala zotu haw hi.
30 Mahnaven masala tuangtim tuk cu thiampi tei dehvo hi.
31 Korah hinnam, Shallum capa upabel, Levi mi Mattithiah i dehvo cu cangho em hi.
32 Kohath mite cu Sabbath ni-in, Biakinn pen man tukin cangho thiangthonote 9:32 Cangho thiangtho tihmi cu Sabbath nisialin Biakinn cabuai ah cangho khal sawm le pa nih koih haw hi, Topa i lakah piakmi hi. bawltu haw hi.
33 Levi mi khenkhatte cu Biakinn a lasatute haw hi. Innkua sung pen a lubel hi haw in, Biakinn mawk khansungah um haw hi. A sun a zanin, a nadeh a neih mek haw hangin nadeh dang imah nei haw ma hi.
34 A hum a lasatute cu Levi mi innkua pen lupi ten haw hi, amu hinnam tek pen hotu haw hi in, Jerusalem um mi sung pen hotu haw hi.
Kumpi Saul Khangsialnak
(1Khang 8:29-38)
35 Jeiel cu Gibeon khua hotu hi a, mahlai munah um hi. A zi cu Maakah hi,
36 a capa upabel cu Abdon hi. A capa dangte cu Zur, Kish, Baal, Ner, Nadab,
37 Gedor, Ahio, Zekhariah le Mikloth haw hi.
38 Mikloth cu Shimeah pa hi. A casuante cu a hinnam unaupih tei elkim Jerusalem ah um haw hi.
39 Ner cu Kish pa hi, Kish cu Saul pa hi. Saul in capa pa li nei in: Jonathan, Malkhishua, Abinadab le Eshabaal haw hi.
40 Jonathan cu Meribbaal pa hi, Meribbaal cu Mikah pa hi.
41 Mikah in capa pa li nei in: Pithon, Melek, Tarea le Ahaz haw hi
42 Ahaz cu Jarah pa hi in, Jarah in capa pa thum nei hi. Alemeth, Azmaveth le Zimri haw hi. Zimri cu Moza pa hi,
43 Moza cu Binea pa hi; Binea cu Refaiah pa hi; Refaiah cu Eleasah pa hi; Eleasah cu Azel pa hi.
44 Azel in capa pa luk nei in: Azrikam, Bokheru, Ishmael, Sheariah, Obadiah le Hanan haw hi.