SAAM LABU 16
Muansannak Thungetnote 16:0 David phuahmi la hi.
1 Maw Pathian aw, kei hup zalin;
itahim titale nang cu ka himnak hi ci a,
na lakah hung zo ing.
2 Topa i lakah, “Nangmah cu
ka Topa hi ci,
Nangmah ngawlin phatnak
imah nei mang,” ti ing.
3 Topa i mi thiangthote cu
itih zahin kaw a mawi haw!
Amuh tuah um cu ka lungdamnakbel hi.
4 Mahnaven pathian dadang lakah a tai
kawkawi lite cu daldak haw tuk hi.
Kei cu amuh tei biakpiaknakah
tel tuk mang;
A pathian tei min vang ka kam pen
lo tuk mang.
5 Topa aw, nangmah bek hi
ka belhmi hi ci;
Ka kincak hempoh cu nangman pia ci.
Ka mailam nunnak cu
6 Ka neih tukmi ngamngi
na bawlsakmi cu ka ca in,
a sunglawi daan cu itih zahin
kaw a mawi?
7 A ngaihsut saktu Topa cu
thangphat ing;
Zanlam hei in ka lungmu sungah
ngallinnak pia hi.
8 Ka lakah Topa um hi tih cu
thei leleng ing;
Ka elah a um hangin,
imah in hing thei tukma hi.Ref 16:8-11 Nung 2:25-28;
9 Mah hangin lungdamnak le
thinnopnak tuah dim ing;
Ka lungmuang leleng hi.
10 Itahim titale mithi khua ah
hawh phal tukma hi,
Na ihmi cu khuk thukzet sungah
zamthong tukma ci.Ref 16:10 Nung 13:35;
11 Nangmah in nunnak lampi cu
lak tuk ci;
Na umnakah lungdamnak dim hi.
Na baan tha ngilnakah
kumkhua nopnak um hi.