SAAM LABU 149
Thangphatnak La
Topa i lakah la thak sa un!
Amah a muangtu a mihing tei
tawhdun khawmnakah
thangphat un!
2 Maw Israel, nang a Semsuahtu hangin
na lungdamin!
Maw Zion mite, na kumpi uh hangin,
na tha uh tui un!
3 Laam thahin, a min cu thangphat un;
Amah thangphatnakin
khuang le phaidaak tum un!
4 A mihing tei humah
Topa a lungdam hi;
Ngalnehnak tuah mi lungnemte cu
upatnak pia hi.
5 A nehnak haw hangin,
Topa i mihingte cu
lungdamin um haw hen;
Thatui zetin zaunak hum pen
lungdamin lasa haw hen.
6 Pathian thangphat thahin,
nging zetin au haw hen.
A hiammi a ngalnam haw cu
a khut hawah cawi in,
7 miphun dadang neh tukin le
mi hempoh dantat tukin;
8 a kumpi haw khih tukin le
a puitu haw thik taicin tuah ken tukin,
9 Pathian i thupiaknak bangin
miphun dangte bawlsia tukin hi.
Hihi cu Pathian mihing tei nehnak hi.
Topa cu thangphat un!