SAAM LABU 147
Cungnungbel Pathian Thangphatnak
A Pathian uh lakah thangphatnak
lasak cu pha hi.
Amah thangphat cu
a nopmi le a dikmi hi.
2 Topa in Jerusalem cu
tungdingleh hi.
Saltangte kihpihleh hi;
3 Lung a na mite damtikin,
4 Topa in aksi izong um tuk
tihmi leitek hi.
Pa khat nung pa khat
amu min tekin sam hi.
5 A Topa uh cu
a thawmngengmi le
a Cungnungbel hi;
A thil tihtheih dan cu
teh theih tukmi hi ma hi.
6 Mi lungnemte cu dangto naven,
mipha ngawlte cu leihumah sikpek hi.
7 Topa i lakah thangphatnak
lasa un!
Phaidaak tuah a Topa uh i lakah
la mawi sa un!
8 Vanah meingo phalhin,
leihum ca in nguah zutik hi.
mualhumah hampa potik hi.
9 Amah in ngamsate cu an pia in,
va-aknote vang an vak hi.
10 A lungdamnak haw cu
cipuh humah umma hi;
A thin nopnak cu ngalkap
ngalphazet tei humah vang umma hi.
11 Mahnaven amah a kihcatu le,
a kho mi a ihnak
a muangtu tei humah um saw hi.
12 Maw Jerusalem,
Topa cu thangphatin!
Maw Zion, na Pathian cu
thangphatin!
13 Amah in, na kongkhahte cu
khohtikin,
na mihingte muicu pia hi.
14 Na ngamngite himtikin,
sangvut phabelin cawm hi.
15 Amah in leipi lakah thupia in,
a thupiak bangin
manlang zetin heng hi.
16 Tuumul bang sahin, vuktatik hi.
Vut bangin daitatik hi.
17 Nial cu suangtum bangin
caktik hi;
A hentik mi khawsik cu
kuamah in thuak thei haw ma.
18 Thu pia lehin vukte
zung khawng haw;
Huihtheutikin tui luang hi.
19 A thu cu Jakob lakah pia in,
a thuzilh mi le
a daante cu Israel pia hi.
20 Hiti bangin miphun dang lakah
bawl ma hi;
A daante cu thei haw ma hi.
Topa cu thangphat un!