SAAM LABU 141
Taaklam Thungetnak
1 Topa aw, nangmah sam ing;
Ka sam ten ngai zal inna,
tu in kei hu bawm zalin hi.
2 Ka thungetnak cu
biakpiaknak ai-in sang inna,
ka khut ka zakmi cu
taaklam biakpiaknak ai-in,
na sansak zalin hi.Ref 141:2 Mang 5:8;
3 Topa, ka kam kemtu tuk
hei in hihen,
ka muk cingtu tuk hei in hihen
koih zalin hi.
4 Thil sual bawl nuam ngawltu
hi tukin bawm inna,
Mipha ngawl tei phat ngawlnakah
tel tuk ngawlin khamsakin hi.
5 Mipha in ngaihsaknak tuah liatin,
dantat tuk hi;
Mahnaven mipha ngawl i upatnak cu
sang awng tuk mang.
Itahim titale a bawlmi thilpha ngawlte
deih ngawlin thungen leleng ing.
6 Amuh uktute cu suangtep liang pen,
vawktul a hih haw ten,
ka thu a mandan cu
mihing ten phuangleh haw tuk hi.
7 A cehkeh haw mi thing bangin,
a nguhte cu khaan elah
khenkhek khawng hi haw tuk hi.
8 Mahnaven Ihempoh tithei Topa
nang cu muang leleng ing;
Nangma hupnak bek zei ing;
Kei hi thitik zal pahsun!
9 Ka ca in, phat ngawlnak bek
a bawltu tei
a thangsiahnak haw pen hupin hi.
10 Kei cu himdamno in
ka ngamtat laih takin;
mipha ngawlte cu amu siahmi thangah
caksuk haw tahen.