SAAM LABU 129
Israel Tei Ngal Tamsiatnak
1 Maw Israel, na khanno laihin,
na ngal ten,
Hehpihnak nei ngawlin
nang a bawlsiatnak haw cu
atu-in hilhin hi.
2 “Ka khanno laihin,
ka ngal ten hehpihnak
imah um ngawlin, kei bawlsia haw;
Mahnaven neh awng haw ma hi.
3 Ka ngum pen sun haw a, lei vih bangin
thuk zetin suntum haw hi.
4 Mahnaven a dikcangmi Topa in,
saltannak pen luattik zo,” ti in hi.
5 Zion a huatu hempoh cu zakca in,
a sungmi le a hawlvawk lehmi hi tahen.
6 A khan bo laih ngawlin a thim lehmi,
inn hum a pomi hampa bangin ko tahen.
7 Mah hampa cu kuamah in cawm haw ma,
Cangtel bangin kuamah in pua haw ma.
8 A kuamah in,
“ Topa muicu pia zal tahen!
Topa i minin muicu pia ung!”
tin ti haw tukma hi.