SAAM LABU 112
Mipha Pai Lungdamnak
1 Topa cu thangphat un;
Topa a kihcatu le
a thupiakmi a zuitute cu mi muicu haw hi.
2 A cate cu hi ngam sungah
mi ngilbel hi haw hi,
Mipha i casuante cu muicu dong
haw tuk hi.
3 A innkua cu mihauzet
hi haw tuk a,
a diknak cu kumkhua in kho hi.
4 Mipha tei ca in, hehpihnak a neitu
tei ca in, khuathim sung hei pen
vaknak tulpih mek hi.
5 Phal zetin mi coih haw in,
Dik zetin mai na a dektu cu
mi muicute haw hi.
6 Mipha cu tingsam awng tukma hi.
Itik hei ten phawkngil hi haw tukma hi.
7 Mah hangin thusia thei tuk cu
lau ma hi.
A upnak kho in Topa cu muang hi.
8 Ngaihsut haknak nei ma,
launak hei nei ma.
A ngal tei sun khi mu tatak haw tuk hi.
9 Mi haksa le mi ca-ngah tei lakah
phal zetin pia hi;
A mi hehpihnak cu kho leleng hi.Ref 112:9 2Kor 9:9;
Thil titheitu cu
a kuakua na bang upatmi hi.
10 Mahmi cu mipha ngawl ten
amuh haw ten a lungsia haw hi.
A thin haw ukin tau in taivawk haw hi;
Muansannak a neih haw mi cu
kumkhua in pai hi.