4
Jerusalem A Siat Nung Ten
1 A de zawzokmi a sui uhte cu
dalkhawng zo haw hi.
Biakinn a, suangte cu lampi ah
khenkhek khawng
2 Keimu ca in, Zion tangvalte cu
sui bangin sunglawi haw hi.
Mahnaven tu haw a,
leibeel bangthongin
3 Cingne pinu hei in, a canote cu
komzet zothiam hi.
Mahnaven ka mihingte cu
phillawn kalauk vano
bang haw hi.
Mi hehpih thiam haw ma hi.
4 Ka mihing ten a canote cu
an le tui ngawlin
thitik haw a, an ngen li haw naven,
5 An ukbel a eitute cu lampi ah
ngilkialin thi haw hi.
Nunnop zetin cawmmi ten,
buakvawknakah an zei haw hi.
6 Ka mihing ten dantatnak tawk haw hi.
Mihing khut tel ngawlin,
thakhat thu in, a sia mi
Sodom khua mite sangin,
a thuaknak nase saw hi.Ref 4:6 Pian 19:24;
7 Pathian ca tukin a piaduntu nazirte cu
nawngkai ngawlin vuk bangin
thiangin, khuinawi bangin
ngo haw hi.
Tidam zetin, ngilzet haw hi.
Mepian suangval bang
mawi in, naal zilzel haw hi.
8 Atu-in, amuhte cu
kuamah i theih ngawlin,
lampi ah thi haw a,
ngapleng sangin
hang saw haw; kuamah in
theitumleh haw ma toh.
A vun haw cu a nguhah kop khawngin,
thingko bangin ko haw hi.
9 A dawllam a, a thite sangin,
ngalkhutah a thite
bawngpha saw haw hi.
Eih tuk nei ngawl ngilkialin,
ti hehetno in thih cu hak saw hi.
10 Ka mihing tei lakah a hengmi
bawngsiatnak cu
mullinghah ngangai hi.
A sungsuak canote cu
a nu ten an tukin
beel dangah huan haw hi.Ref 4:10 Daan 28:57; Ezk 5:10;
11 Topa in, a thinuknak cu
meiling bangin leih hi.
Zion ah mei alhtikin,
a bulphuhnak tian
12 Jerusalem kongka sungah
ngalte a tum theih tuk le
Jerusalem khuapi sung tum theih tuk cu
ngamdang uktu bawite hei hihen,
13 Mahnaven tum thei haw,
itahim titale, profet le thiampi ten
a sual haw hangin mi thiangtho le
mipha tei thihnakin suahta hi.
14 Lamtuanah mitcaw bangin,
a hotute cu vakvai haw a,
kuamah i zenkhak ngam tuk ngawlin,
thi le nai in dim haw hi.
15 Mipi ten, “Tai un, mi nawngkaite!
Zen kha pahsuh un ti haw hi.”
Mah hangin ngam tihkimah vakvai in;
tun inn mu haw ma.
“Hilai ah um thei ma uh ci,”
16 Topa in, amu ca in
mahelhnak imah nei ma.
Khenkhektik saw hi, ka thiampi uhte le
upate cu imah simsial haw ma.
17 Bopnak heng tuk tih ka zohnakin,
ka mit uh kha khawng hei ten
bopnak heng sih ma hi.
Bopnak pia khabel tuk hi tin,
ngak li nave ung,
ilai ngam hei pen bopnak
18 Ka ngal uhten zawldawtin,
ka nung uh pen zui leleng haw;
Lampi ah hei vaktul ngam ma ung.
Hun le can nei ma toh ung,
ka tawpnak ni uh heng zo hi.
19 Van a mupi sangin, manlang saw in
ka ngal uhten hil haw hi.
Mualhumah hil haw a, phillawnah
muankhak ngawlin pha haw hi.
20 Topa i sathau thihmi,
ka muanbel uhmi
ka nunnak uh bulpi cu man ngah haw hi.
Keimuh a dotu tei
khut pen hupin,
21 Nui li un, Edom le Uz mite,
na lung uh damin, lam li un hi.
Na siatlalnak uh hun heng tuk poh hi;
Thacang le zakca in, bahin,
22 Zion in, a sual thaman pia khawng zo.
Topa in saltannakah oh cu
koih tukma toh hi.
Mahnaven Edom, nang cu
Topa in dantat tuk;
Na mawhnak hempoh
langtik khawng tuk hi.