KAH LA
Laibu
(Lamentations)
Thulamsial
Kah la tihmi hi 586 BC kum a Jerusalem a siat hangin a kahnak haw lacing pa nga khopmi hi. Hilai a la tam saw cu khawngaih lungsiatnak la bek hinaven Pathian muangin mailam muansannak a neih haw thu vang um bok hi. Hi late hi Judah ten 586 BC kum a miphun venghawng haw hum a siatnak a hengmi phawhngilh ngawlnak tukin kumsial an cangin biaknak a bawlsial haw ten sa mek haw hi.
1
Jerusalem Khaw-ngaihnak
1 Hun khat laihin, ngimta zetin,
a umnak haw,
Jerusalem cu vengzetta hi.
Leihum khuap
a thupibel khuapi hi.
meivong bangin suak zo hi!
Miphun kim umnak khuapi cu,
2 Zankhua kap ua-uahin;
hitui a biangah luangsuk kukuih?
A nemtu tuk ngualcam
pa khatno hei um haw ma toh.
A phial pih ten naunehin,
mi hempohin langpang haw hi.
3 Judah mite cu pantu tuk nei ngawl
sal bangin a inn haw pen
hawl tul haw hi.
Miphun dang tei ngamah
um haw a, ka ngam tih tuk
nei ngawlin!
Ngal ten kil khawngin,
luat theihnak tuk
4 Ni thiangtho ni ah
Pathian bia tukin,
a kuamah Biakinn ah
hawh haw ma toh.
Mahlai a, lasatu khanglai ten
bawlsiatnak thuakin,
thiampite tau haw hi.
Khuapi kongkhah humah
um haw ma toh,
Zion in thinnatnak thuak hi.
5 A ngal ten neh haw a,
a khut sung hawah suum haw hi.
Topa amah in thuaktik a,
a sualnak a tam leita hangin,
a canote cu sal tukin
6 Jerusalem i sunloihnak cu
bo zo hi.
A hotute cu a nawmtam zetmi
sazuk bang haw hi.
Sakap thiam mai pen
a tai haw ten,
7 Jerusalem cu a sia zo hangin
khawngaihhuai em thong.
Ni dang laihin, a sunglawi dante
phawk kik mek haw hi.
A ngal tei sim ten kuamah
bawmtu nei haw ma.
Ngal neh ngawl a hih haw hangin
nuihsanin, zawnsakin,
8 Maizah tak a hihnak cu bo zo,
thacangin um a hih haw ten
zakca haw hi.
A khawngaih hangin kap li in,
a zakca in, a mai hup hi.
Jerusalem in sualnak lauhuai
a bawl zo hangin, lauhuaizet hi.
9 A thianthoh ngawlnak cu,
muh paih thei thong hi!
A mailam thu cu ngaisung kha sapma.
A thasiatnak a nase leita hangin
kuamah in nem thei haw ma.
A ngal ten a neh zo haw hangin
Topa lakah hehpih kun hi.
10 A ngal ten a nate lonsak khawngin,
Biakinn sungah
a tumpih laihtak haw mu hi.
Topa in Gentail tei hawh tuk
11 Eih tuk pa kha khat zei in,
a mihingte cu tau li haw hi.
A nuncak theihnak tukin
a na manpha haw cu
an tuah hek haw hi.
“ Topa hu zo hemin,” tin,
a khuapi haw cu au hi;
“Ka haksat daan uh
12 “Hu zo hem un!” tin au in,
a elah a hawhtu hempoh
tei lakah,
Topa i piakmi natnak hi,
ka hum a thinuk ten kuamah in
ka thuakmi natnak zah cu
thuak awng haw ma.
13 Humlam pan mei alh khesukin,
ka nguh sungah a alhmi mei hi.
Keimah awk tukin thangsiahin,
leihumah lumtik hi.
kei cu zamsanin, catngawlin
14 Ka sualnak hempoh cu
cazin sungah khum khawng;
A venghawng munkhatah kenin,
ka ngawngah khaih hi.
Ngit leita in delhsuk lo hi.
Tha nei ma toh ing.
Topa in, ka ngal tei
khut sungah
hengtik hi, ka ca in,
a ngil leita haw hangin
15 Topa in, ka ngalkap
ngilbelte cu nuihsan thong hi.
Ka tangval that tukin
a ngalkap hon khat hah hi.
Sabit bangin ka mihingte ngawi hi.
16 Mah hangin hi ka kahnak,
ka hitui nial tui bangin a luan.
Hehnemtu kuamah nei mang,
thathotiktu kuamah um haw ma,
ka ngal ten neh zo haw a,
ka mihingte imah
17 Bopnak deihin,
ka baan phalh naveng
kuamah in bawm haw ma.
Topa in ngalte samin,
khua tihkim pen zuan haw hi.
Amu lak pen imah hi mang,
ningdelhhuai thil hi thongpoh ing.
18 Mahnaven Topa cu dik hi,
a thu eltu ka hih zo hangin hi.
Maw miphunte, hu ngai hih teh un,
ka thuak daan hi zo hem un.
Salmatnak mun ngam khua lapi ah
ka leng le valte pai zo haw hi.
19 Keimah a pantute sam ing.
Mahnaven bawm nuam haw ma.
Nuncaknak a zeinak haw pen
khuapi sung lampi tuanah,
thiampi le hotute thi haw hi.
20 Topa aw, ka thuaknak le
ka apthong dan hi zo hemin hi.
Ka thinna in, ka lungmu keh hi,
nang ka langpang sual hangin
lampi humah thahdunnak umin,
innsung hei ah thihnak heng.
21 Ka taunak hu ngaihsak inna,
keimah a hehnemtu kuamah
um haw sih ngawl.
Ka humah siatlalnak
na hentik hangin
ka ngal ten thincim haw hi.
Na tepsa mi cu hengtik nawm inna,
ka thuak bangin ka ngal ten
22 “A bawl haw hempoh cu
na mai ah lang khawng hen;
A phatngawlnak haw hangin
amuhte cu bawlsia in hi.
Ka sualnak hangin
na bawlsiat zo bangin,
ka lungbingin, vancaukapin
tau ing,” ti hi.