3
Jonah In Topa Thuzui
1 Topa i awn cu Jonah nelah hengleh hi.
2 “Nineveh khuapi ah hawh inna, ka hilhsa bangin tangau in,” ti hi.
3 Jonah in, Topa i thuzui in Nineveh khua ah hawh hi. Nineveh cu khua ngengpi a hih hangin ni thum sung hawh tham hi.
4 Ni khat sung hawh a, Nineveh khua ah thu hilh hi: “Ni sawm li sungin Nineveh khuapi cu sia tuk hi,” tin tangau hi.Ref 3:4-5 Mt 12:41; Lk 11:32;
5 Mah hangin Nineveh khua miten Pathian muang haw hi. Nautabel pen upabel tiang thangkhau puan silhin, an cang haw hi.
6 Mah thu cu Nineveh kumpipa in, a zak ten a kumpi khunnak pen dingin, a kumpi puante dukin, le thangkhau puan silhin vut lakah khung hi.
7 Nineveh kumpi le bawi upa tei thuthatmi cu hi tin hi: “Mihing hihen, ngamsa hihen, khui hihen, tuu hihen, imah ei pahsuh un; an ei ngawlin, tui hei in pahsuh un.
8 Mihing hihen, ngamsa hihen na venghawng uhin thangkhau puan silh unna, na lungmu tak tuah Pathian sam un. A kuakua hei hihen thil sual bawlmi le a nungcang pha ngawlte cu zamsan tahen.
9 A thih khawng ngawlnak tuk uhin, Pathian in, a thinsupleh tuk a, a thinuknak daitikleh hei hi thei,” tin ti haw hi.
10 Pathian in mahtibang a bawl haw mi cu amuh ten a nuncan pha ngawl a zamsan haw amuh ten a thinsup lehin, a hum haw a hengtik tukin a ngaihsutmi siatnak cu hengtik ma toh hi.