3
Pathian Lakah Job Phuciak
1 Job cu umden thei ngawltohin, a hin ni cu tamsia nek hi.Ref 3:1-19 Jer 20:14-18;
Job in:
2-3 Ka hin ni cu tamsiat hihen;
‘Capano hing hi,’
a tih haw zan hei in!
4 Ka hin ni cu thimnak ni-in,
suak hen;
Mah ni cu Pathian in
cing ma toh hen;
Mah ni-in vaknak hei umma hen.
5 Thimzing le a nase zetmi
thimnak ni-in suak hen;
Meingo hangin tuam henna,
ni cu dawkin thon tahen.
6 Mah zan cu kum sialnak sungah
telh ngawlin phiat hihen;
Ituk hei ten sialcih hi ma toh hen.
7 Imah a piang ngawlmi zan,
zan nemcuam ngawl mi le,
Lungdamnak um ngawlmi zanin
bawl hihen.
8 Mah ni tamtu tukin mipolte hilhin;
Tuipi sung a, ngamsa Leviathannote 3:8 Leviathan hi Tuisaltam ahimata Tuipi thuanthum sung a, Nganhing Ngengpi hi tuk tin um haw hi.
thupia theitu mipolte cu!
9 Zinglam aksi, nikonghong
vaak ma toh hen!
mualpi al tuk toh tin,
muansannak imah umma hen.
10 Mah zan cu tamsiat hihen,
ka hin zan a hih hangin;
Haksat cimkhamnak tawk tuk ngawlin
11 Ka nu i pum sung pen
suak ngawlin ka thita ahin
nuamzet ing!
Mah ahimata ka hintul ten
ka thita a hin nuamzet ing!
12 Ita ka nu in, a kawng humah
cawi hum?
Ita a nawicawptik hum?
13 Mahlai in ka thita ahin,
atu-in cawlpha tuk toh naveng.
14 Tanglaih khuapi lop
a tungding lehtu,
a hihbu denmi kumpi le
uktu bawite bang uh ci.
15 A inn sungah sui le ngun dimin,
a pamtu kumpi bangin le
16 a thisa in hinmi nauno bangin
hihbu zo tuk toh ing.
17 Khansungah mipha ngawlte
a siatnak haw pai hi;
A cawl zetmi nadektute
colh umnak ngah haw hi.
18 Thawngtate hei lemdaino
um thei haw in,
liat le vonak pen luat haw hi.
19 Mahlai ah mihau, mi ca-ngah
a kimin um haw;
Silate vang suakca haw hi.
20 Ita haksat cimkhamnak
a thuakte nung leleng haw kaw?
Ita lungsia tei lakah vaaknak
heng kha kaw?
21 Thih tuk bek ngak haw,
mahnaven thihnak heng awng ma.Ref 3:21 Mang 9:6;
Hiti bang na manpha zei sangin,
khan sung heng nuam saw haw hi.
22 Thi in, a vui haw laih ngawl sung cu
lungdam awng haw ma hi.
23 A mailam thu haw cu
Pathian in sel sak hi,
A kimkot haw cu kulhtian tuah
tiang khawng haw hi.
24 Ka kahnak cu ka tui le an hi in,
ka taunak cu bo tih umma.
25 Ka ngam ngawlmi le
ka lau zetmi hempoh
a venghawngin thuak khawng zo ing.
26 Lungmuannak nei mang,
colh ni nei mang;
Ka cimkhamnak hei bo awng ma.