26
Job i donlehnak:
1-2 Ka ca in iti zahin bawmtu pha cim!
Mi ca-ngah,
mi nawmtam kei hi!
3 Ngaihsutnak phazet pia thei ci,
keimah bang misil
na cihnak na kawm phal hi!
4 Hizah na otmi hi akua in kaw
ngai ceng hen na tih?
Hi bang awn tukin atiktu kua kaw?
Bildad in:
5 Mithi tei hawvang cu
leinuai tui sung pen
can li haw hi.
6 Mithi khua Sheol cu
Pathian mai ah lang khawng;
lalthongnak mun cu limtu
imah nei ma hi.
7 Pathian in saklam van cu phalhin;
van kaw hawmpi sungah
leipi cu khaih hi.
8 Meingo sungah tui koihin,
tui cu ngitzet naven
pahvawk ngawlin
Pathian in kham hi.
9 Hade cu meingo limah selin;
A mai hempoh
khuhtik khawng.
10 Tuipi thuanthum a bemmi humah
tiamtehnak khau kai in,
mahten vaknak cu
thimnak tuah khen hi.
11 Van a dotu khuamte hingin,
a thup ten a thinsu in
launak tuah can tawtok haw hi.
12 A zaangtha cahnak tuah
tuipi cu nehin;
a thiamnak tuah ngulpi Rahab cu
that hi.
13 A haihawhin van cu ciangtikin,
a khut tuah ngulpi taili cu
that hi.
14 Mahnaven hite cu a ngilnak
a lekno bek laih hi;
a theih uhmi cu
a huihhawl bangfang hi;
Pathian a thawmngeng dan tatak cu
akua in kaw a thei zo tuk?