22
Eliphaz in:
1-2 Iti bang mihing, micipbel ahi vangin
Pathian ca in, mi nemcuam
um ngai haw ni maw?Ref 22:2-3 Job 35:6-8;
3 Thildik na bawlmi cu
Pathian ca in
a nemcuamnak um a maw?
Ahimata na phatnakin
Pathian ca in nemcuam a maw?
4 Nun hilhin khingkhai na tawh hi
Pathian na kihcak hangin
hi ma hi.
5 Na phatngawlnak a nase hangin le
na sualnak a tam leita
hangin hi saw hi.
6 Na unau in, a leiba lohlehtik tukin
vaukhapnak bawltik ci,
a puante lonsakin silh tuk dang
imah nei ngawlin bawl ci.
7 A cawlin dangdum tei lakah
tui pia ma ci,
Ngilkialmi tei lakah an hei
pia nuam ma ci.
8 Huham na neihnak le
mi upa na hihnak cu,
ngam buppi luah khawngnak
tuk bekin mang ci.
9 Meivongte na bop nuam ngawl bek
hei hi ngawlin
Nu le pa nei ngawl ca-ngah tei
nate lonsakin siatsuah ci.
10 Mah hangin na elkimah nangmah
a awktu tuk thang tampi um;
muanmawh ngawlpi in
lauthawngnak tuah dim ci;
11 Thimnak sah leita in
imah mu thei ma ci,
Tuihautungin khuh khawng hi.
12 Vancung sangbel munah Pathian um;
Aksi cu sang bok haw naven,
Pathian in, zosuk hi ma maw?
13 Mahnaven nangin, “Pathian in
i theih li tuk kaw?
Meingo in lim si!
Itin kaw ka thu
a khen theih tuk?” tin ti ci.
14 Vankuumpi humah
Pathian a hawh tennote 22:14 Pathian a hawh ten tihmi hi Israel tei upnakah, van hi a kuumpi hi in, a humah Pathian vak mek hi, ti haw hi.
Meingo sah zetin limin
keimah mu tukma poh,
15 Mipha ngawl tei zui lelengmi
lampi lun cu zui nuam
leleng laih cim?
16 Mi pha ngawlte cu a hun haw
kim laih ngawlin
tuihautungin tai hi;
A bulpi haw tuah
tai vawk khawng hi.
17 Hite cu Pathian a eltu le,
ka hum uhah
imah bawl thei tukma
tin a ngaisungtute hi.
18 Mahnaven amuh a hautiktu cu
Pathian Amah leleng hi;
Mipha ngawl tei ngaihsutnak cu
lem hihim mang.
19 Mi pha ngawlte bawlsiatnak
a tawh haw ten,
miphate lungdamin,
mawhnak a nei ngawlte
nui haw hi.
20 Mipha ngawl tei thil neihmi
hempoh cu bo hi.
A tang calam vang mei in
kang khawng hi
21 Mah hangin Job,
Pathian tuah lemdun unna,
amah cu na ngalin ngaisung toh pahsun,
mahtin na um tale
nangmah cu
muicu pia tuk hi.
22 A thu zilhmi cu pom inna,
a awn cu na lungmu sungah
koihin hi.
23 Hi zuh hi, niamkhiatnak lungmu tuah
Ihempoh titheitu i lakah
kik inna, na inn sung a
thilpha ngawlmi
hempoh cu khawlapi ah vawkin;
nang cu lawhting lehtik tuk hi.
24 Na sui neite vawk khawngin;
Ofir pen na ngahmi
na sui phabelte vang
lui suang bangin
vawk khawngin hi.
25 Ihempoh tithei Pathian cu
na sui hi tuk a,
Amah cu a cuampengno in,
na tenmi ngun bangin
na ca in hi tuk hi.
26 Pathian cu na lungdamnak
hi leleng tuk a, mitmai pha tuah
Ama lamah thinnopno in,
hek tuk ci.
27 Thu na nget ten don tuk hi;
Na thutepmite cu komno in
cangkimtik tuk ci.
28 Na thu soncatmi hempoh
bawlsuak khawng hi tuk a,
na hawhnak lampi vak tuk hi.
29 Pathian in mi pualthaute khesukin,
mi nuai a umte pan hi.
30 Na bawlmi thiangtho in,
sualnak nei ngawl na hi tale
Amah in pan tuk hi.