12
Job i donlehnak:
1-2 Hi zuh hi, na otmi hi mipi tei
ngaihsutnak hi.
Na thih uhten na cihnak uh vang
bo bok tuk hi.
3 Mahnaven nangmuh bangin
cihnak nei bok ing.
Nangmuhte sangin nauta cuang mang,
na ot uhmi cu akua nabang i
zak khawng sa poh hi.
4 Ka ngualcamte hei in, atu-in
kei nuihsan haw hi;
Sonbang tuk um ngawl a dikcangmi
hi naveng nuihsan leleng haw;
Pathian in ka thungetmi
a donleh hun um hi.
5 Noh cu haksatnak tawk ma uh ci;
Mah hangin cekpan bawlnak
munin mang uh ci;
A lumsa mi pa cu vat thuah uh ci.
6 Mahnaven nguca le
Pathian thei ngawlte cu
lungmuang zetin um haw hi.
A pathian haw cu
a khut haw in
cawi kawi theihmi hi.
7 Vano le ngamsa hei in,
nangmah thu tampi
zilh thei haw tuk;
8 Leihumah um a ngamsa le tuisung a,
ngasa tei lak pen
cihnak ngen un.
9 A venghawng haw in,
Pathian khut tuah bawlmi
a hihnak haw cu
thei khawng haw hi.
10 Pathian in, a ngamsa hempoh
uk khawngin,
mihing nunnak cu a khutah um hi.
11 Na lei uhin, an a uknak
a theih bangin,
na beng uhin mitei awn theih
tuk cu nuamzet hi.
12 Kum upa ten cihnak nei haw a,
khansau ten theihtupnak
nei haw hi.
13 Mahnaven Pathian in cihnak le
huham nei hi,
a lakah ngaihsutnak pha le
theihtup theihnak um.
14 Pathian i phiatsa mi cu
akua in kaw
a sakikleh thei tuk?
Pathian i thawng a khiakmi cu
akua in kaw a suah thei tuk?
15 Pathian in nguahzu tuk ngawlin
a kham ten ihempoh
ko khawng hi.
Tui a hahleh ten, tuihau tungin
ihempoh siatsuah khawng.
16 Pathian cu ngilin nehtu hi leleng a,
mi zoltu le zolmite vang
ama ukmi hi.
17 Thu ngaisung tei cihnak cu
siatsuah khawng hi;
Lampuitute cu misil bangin nadektik hi.
18 Kumpipa i kol a bulhmite cu
duhsakin, kumpite cu
thawngah khia in, a tai hawah
taikhap khap sak hi.
19 Thiampi le thuneitute cu
zakcatik hi.
20 Muansanzet mite cu vatmitin,
uktu tei thuneihnak cu
sut khawng hi.
21 Thuneitute cu mualphotikin,
uktu tei thuneihnak cu
sut khawng hi.
22 Khuathim sung a,
thukuhte langtikin,
a sah zetmi meingo cu
vaaknak tuah thektik hi.
23 Minam tampi ngengtikin,
ngiltik naven nehin
siatsuah khawng hi.
24 A hotute cu siltikin,
lampi thei ngawlin
vakvai haw hi.
25 Khuathim sungah vak haw in,
zukham misilte bangin
lum buabual haw hi.