62
1 Jerusalem thatuitik tukin
hilh suak tung;
Patnak a ngah laklawh le zanlam
a detmei al bangin
a nehnak a al laklawh daidenno in
um tuk mang hi.
2 Jerusalem, nehtu na hihnak cu
miphun hempoh ten
mu haw tuk hi.
A kumpi haw ten
na sunloih dan
zo haw tuk hi.
Topa amah loli i piakmi
minin min thak tuah
sam hi tuk ci.
3 Topa i ca in,
a mawi zetmi
kumpi lukhu bang tuk ci.
4 “Zam sanmi,” tin sammi hileh
tukma toh ci.
“Maakmi zi,” tih hei in,
na ngam cu sam hileh
tukma toh ci.
Na min thak cu
“Pathian a humah
a lungdam,”note 62:4 Pathian a humah a lungdam tihmi cu Hefzibah tih hi
tih hi tuk hi.
Na ngam cu
“Lungdam zetin huaimi,”note 62:4 Lungdam zetin huai mi tihmi cu Beulah tihnak hi.
tih hi tuk hi.
Itahim titale Topa cu
na humah a lungdamin hi.
Na ngam ca in amah cu
pasal bang tuk hi.
5 Tangval in khanglai thiang
a huai bangin,
nangmah vang a bawltu pa in
huai tuk hi.
Tangval cu a khanglainu i humah
a lungdam bangin,
Pathian cu na humah
a lungdam bok tuk hi.
6 Jerusalem, na ngal kulhtian
ngalviltu koih ing.
A sun le zanin daiden thong
haw tukma hi.
Topa in, ama thutep
a phawhngilh tuk ngawlin,
Topa i lakah theihtiknak
thu hilh leleng haw tuk hi.
7 Topa in, Jerusalem
a nun lehtik laklawh le
leihum buppi i thangphat tak
khuapi a cantik laklawh;
Topa cu colhnak hun
8 Topa in, siatcam thutiamin,
a ngilnak tuah bawlsuak tuk hi.
“Na ancang cu na ngal tei ca
hi ngawltohin,
na sabit uhte vang ngamdangmi ten
insakleh haw tukma toh.
9 An a cingtu le a cawmtu in
nangmu an cu ei tuk uh ci a,
Topa cu thangphat tuk uh ci.
Sabit a sialtu le a ngah thawitu ten
Topa i biakinn sung pen
sabittui cu intuk uh ci,” ti hi.
10 Jerusalem mite,
na khuasung uh pen
tul unna,
a kiklehmi na mitei ca in
lampi cek un hi;
Lampi bawl unna,
suangte vawk pial un hi.
11 Leihum buppi i theih tukin
melciknak takto un hi.
Topa in, “Jerusalem mite
hilh un hi.
Amuh pantu Topa
hung li laih;
a patsa mi mihingte cu
a lakah hunpih hi,” tin,
miphun hempoh lakah than hi.Ref 62:11 Isa 40:10; Mang 22:12;
12 Nangmuhte cu
“Pathian Mi thiangtho,”
“ Topa i patmite,” tin
sammi hi tuk uh ci a,
Jerusalem cu
“Pathian i Khuapi Thiangtho,”
“Pathian i zamsan ngawlmi khuapi”
tin sam hi tuk hi.