32
Thuman Kumpipa
1 Ni kha khat ten thumanzet kumpi um tuk a, diknak tuah nadektu ngam buppi hotu vang um haw tuk hi.
2 Mahte cu huih le nguah lak pen buknak suangpi bang ngeh haw tuk hi. Amuh cu phillawn a luangmi lui bangin le ngamko sung a, suangpi nilim bang haw hi.
3 Mipi tei kinmi le kulmi ah mit hakin ngai haw tuk hi.
4 Ihempoh cu manlangin bawl haw tukma; mahnaven theihtupnak tuah bawlin, a lungmu sung pen awn haw tuk hi.
5 Kuamah in misil cu upat tak hi tin ngaisung haw tukma, mi zeltelte cu midik ti haw tukma.
6 Mi thawthong ti bialbual ten zahcakhuai hahzet awnin, thilpha ngawl bawl tuk ngaisung hi. A otmi le a bawlmi cu Pathian zotsaknak nguakcang hi; ngilkialte an pia awng ma, dangdummi tei in tukin tui pia awng ma hi.
7 Mipha ngawl hi in, a thilpha ngawl bawl hi; a mizolnak cu mi ca-ngahte siatsuahnak tuk bek ngaisungin, mi cimkham ten a covo haw co tuk ngawlin kham het hi.
8 Mahnaven mifel in, manzet le muanhuaizet nadekin, a manmi cu pan hi.
Thukhennak le Ngaihthiamnak
9 Nopzet le zulzau zetin, a um noh numeite, ka thuhilhmi hi ngai hem un!
10 Atu-in lungkim le thinnop zetin um nave uhcin mai kum atu bang hun kek ten, na lung uh bing tuk Itakaw titale sabit lak tuk nei tukma uh ci.
11 Nopzet le zulzau zetin lungkhamnak nei ngawlin um zo toh uh ci; mahnaven atu-in thinsu can tawtok un! Na nikcen puansilh uhte cu duk unna, na tai uhah puansia vial un hi!
12 Lungsia in, na awm uh cuumdun un! Itakaw titale lo phazet le sabit huante cu siatsuah khawng hi zo toh,
13 ling le so, hamcam bek ka mihing tei lo sungah po hi. Lungdamnak khuapi sungah lungdamnak a ummi innkuate a siat zo hangin thasiazet kapin tau un.
14 Kumpipa i inn hei taisanin, ngamsung a khuapibel cu khing diudeu thong tuk hi. Innte le a ngalvilnak haw kulhtiante cu kumkhua sia tuk hi.
15 Mahnaven Pathian in, a hawvang eimu lakah khunleh tuk hi. Lei ngam siate cu ngampha in canglehin, lo ten an tampi kaisuah haw tuk hi.
16 Ngamsung khua hempoh ah thumannak le dikcangnak bebek bawl hi tuk hi.
17 Mi hempoh ten a dikmi bek a bawl haw tuk hangin a kumkhua in himnak le lemdaihnak cu um tuk hi.
18 Pathian mihing tei innte cu lemdaihnak cangkim le huhimnakah um haw tuk hi.
19 (Tupi sungah ngialcak tuk a, khuapi cu siatsuah khawng hi tuk hi.)
20 Lo ankung tei catuk tui tamin, laak le khui tei cain thinkham kul ngawl tatnak hamhing a tam ten mi hempoh itih zahin, a lungdam haw tuk him.