5
Thupiak Sawm
(Suah 20:1-17)
1 Moses in Israel mite samkhawmin, amu lakah, “Israel mite aw, tuni a, nangmuh ka piakmi daan hi komno in ngai un. Cung unna, tihtak zetin zui tukin ngaisung un.
2 Topa a Pathian uhin, Sinai Mual pan eimuh tuah thutiam bawl hi.
3 A pu le a pa tei lak bekah thutiam bawl ma hi, atu hi laiah a nungdam eimuh tei lak heiah bawl hi.
4 Mualhum mei sung pen Topa in, na maicang hekdunin nangmuh hilh hi.
5 Mah mei cu noh ten lau in, mualhumah na kai ngam uh ngawl hangin nangmu lakah hilh tukin Topa le nangmu laklawhah ding ing.
“ Topa in,
6 “Keimah cu Topa na Pathian uh, Izipt sal na tannak uh pen a suahtu ing.
7 “‘Keimah sialngawl Pathian dang bia pahsuh un.
8 “‘Van a ummi, ahimata leinuai tuisung a ummi tei mel bangin milim bawl pahsuh un.Ref 5:8-9 Thiam 26:1; Daan 4:15-18; 27:15;
9 Iti bang milim mai hei ah kunin bia pahsuh un, keimah cu Topa na Pathian uh ing hi, micing thei Pathian ing. Keimah a huatu i humah a casuan tei ca, san thum san li tianin bawlsiatnak hengtik ing.Ref 5:9-10 Suah 34:6-7; Mipum 14:18; Daan 7:9-10;
10 Mahnaven keimah a ittu le ka thu a zuitu tei humah san thawng khat tian, a kho mi ka itnak cu langtik ing.
11 “ Topa na Pathian min cu a thawnthongin mang pahsun, ka min a thawnthongin, a mangtu cu bawlsia tung.Ref 5:11 Thiam 19:12;
12 “ Topa na Pathian uh keimah in thu ka piak bangin Sabbath ni cu cang unna, thiangthotik un hi.Ref 5:12 Suah 16:23-30; 31:12-14;
13 Ni luk sung nadekin, na tih tuk hempoh bawl un.Ref 5:13-14 Suah 23:12; 31:15; 34:21; 35:2; Thiam 23:3;
14 Mahnaven ni salih ni cu keima ca thiantik ni le colhnak ni hi. Mah ni-in, a kuamah nadek pahsuh un, nangmah hihen, na canaute hihen, na sal le na ngante hei hihen, na lak a um ngamdangmi hei hihen, kuamah nadek pahsuh un.
15 Izipt ngamah saltang uh ci a, mahnaven Topa na Pathian uh keimah in ka huham le ngilnak tuah ka patsuahnak cu cing leleng un. Mah hangin Sabbath ni cang tukin thu ka piaknak hi.
16 “ Topa na Pathian uh i piakmi hi leihumah na khan uh sau in le na lam uh a tuang theihnak tukin, keima thu piaknak bangin, na nu le na pa cu upatin hi.Ref 5:16 Daan 27:16; Mt 15:4; 19:19; Mk 7:10; 10:19; Lk 18:20; Efe 6:2-3;
17 “Mi that pahsuh un.Ref 5:17 Pian 9:6; Thiam 24:17; Mt 5:21; 19:18; Mk 10:19; Lk 18:20; Rom 13:9; James 2:11;
18 “Nu le pa sualnak bawl pahsuh un.Ref 5:18 Thiam 20:10; Mt 5:27; 19:18; Mk 10:19; Lk 18:20; Rom 13:9; James 2:11;
19 “Nguca pahsuh un.Ref 5:19 Thiam 19:11; Mt 19:18; Mk 10:19; Lk 18:20; Rom 13:9;
20 Midang sual nawn pahsuh un.Ref 5:20 Suah 23:1; Mt 19:18; Mk 10:19; Lk 18:20;
21 “‘Midang tei zi hawza pahsuh un. A inn le lo, a sal le a khui, a cipuh le a neihmi hempoh hawza pahsuh un,’ ” ti hi.Ref 5:21 Rom 7:7; 13:9;
22 “ Topa in, mei le meingo hang sahzet sung pen, aw ngingzet tuah awnin, mualhumah a tawkdun khawm Israel mipi tei lakah hi daan cu pia hi. Adang betleh cuang ma toh hi. Suangpeek pa nih humah hi thukham cu nganin, ka lakah pia hi.”Ref 5:22-27 Heb 12:18-19;
Mipi Ten Lau Haw
(Suah 20:18-21)
23 “A mual pongpi in, mei tuah tuamin, khuathim sung pen aw na zak uhten, na hotu le na upa uhte cu ka lakah hungin,
24 ‘ Topa ka Pathian uhin, a ngilnak le a huham sunglawi cu lakin, mei sung pen a awn za ung. Mihing lakah Pathian cu awnin, a ot a zak nung haw ten nung leleng haw laih hi tih cu tuni bekin mu zo hung hi.
25 Mahnaven itakaw thihtuk lau thawng li in, a um tuk laih uh? Hi a lauhuai meipi tuah siatsuah tuk hi. Topa a Pathian uh i awn a zaleh uh tale thi tatak tuk hung hi.
26 A nungmi Pathian mei sung pen a awn za tu a nung akua poh um haw maw?
27 Moses nangmah bek hawhleh inna, Topa a Pathian uh i otmi hempoh cu ngai in hi. Kikleh inna, na lak a otmi cu keimuh hilhleh bokin hi. Ngai tuk ung a, zui khawng tuk ung hi,” ti haw hi.
28 “Mah thu mi cu Topa in, a zak ten ka lakah, “Na lakah a ot haw mi cu thei zo ing, a thu haw man hi.
29 Hi bang lelengin, a lungmu haw a um tale deih na veng! Amuh le a casuante cu a lam haw a tuang leleng theihnak tukin keimah cu lau lelengin le ka thupiakmi hempoh a zui leleng haw ahin, deih ing.
30 Hawh inna, a puanbuk hawah pin khawng tukin hilhin hi.
31 Mahnaven nang cu ka lakah um inna, ka daan le ka thu hempoh pia tung hi. Ka piak tukmi ngamsung pen a zui haw tukin daan cu zilhin hi,” ti hi.
32 “Mah hangin Topa na Pathian uh i thupiakmi hempoh bawl khawng tukin cingcaino in um un hi. A thupiakmi daan hi ngai ngawlin a kuamah um pahsuh un.
33 Na luah tuk uhmi ngamsung a, na um leleng theihnak tukin Topa i thu piak mite cu zui khawng unna, leihumah na khan uh sau in le ihempoh ah na lam uh tuang tuk hi.”