3
Thutiam Thak Nadektute
1 Hi tin ka tih uhten mah le mah tuangkhawng copleh li bang ung maw? Mi khenkhatte bangin nangmu lakah hihen, mahma tale nangmu lak pen hihen, lungkimpihnak lai ket kul bok ni ung maw?
2 Lai ken dang kulma ung hi, nangmuh hi ka lai uh hi toh uh ci; mi hempoh tei theih tuk le sial tukin keimu lungmu sung a ngatmi lai hi uh ci.
3 Hih lai a ngantu cu Khrih amah hi a, kohte cu a puatu tukin a man mite hi ung hi, tih hi ciang zetin lang hi. Laitui thawthongin ngatmi hi ngawlin, a nungmi Pathian Hawvang i ngatmi hi; suangpek hum a, ngatmi hi kha ma hi, mihing lungmu sungah ngatmi hi.Ref 3:3 Suah 24:12; Jer 31:33; Ezk 11:19; 36:26;
4 Hitin ka phuan ngamnak uh cu Khrih hu le thawm tuah Pathian ka muannak uh hangin hi.
5 Hi nadeh hi a dek theitu hi ung tin phuan ngamnak keimu taksa humah imah umma hi. Ka deh theihnak uh hempoh cu Pathian lak pen a hungmi hi.
6 Thutiam Thak nadektu ka hih theihnak uh cu amah in thazaang a piaknak hangin hi. Mah thutiam thak sungah lai in ngatmi thukham umma hi. Hawvang saw um hi. Thukhamin thihnak hengtik naven Hawvangin nunnak pia hi.Ref 3:6 Jer 31:31;
7 Thukham laimal pa khat nung pa khatin suangpek humah ngatmi hi a, mahmi thukham piak laihin Pathian i sunloihnak lang hi. Moses i maicangah a langmi vaknak cu manlangin paileh naven a vakmi a nase leita hangin Israel miten a mitmai cu cangcian zetin zo ngam haw ma hi. Thihnak a hentu thukham hei in mahtih bangin sunloihnak tuah a heng ahi tale,Ref 3:7 Suah 34:29;
8 Hawvang i nadehnak sunglawi cu itihzah sunglawi sesem kam ni!
9 Mihing sualnot thukhennak thu ah hei in mahtih zah sunloihnak a um ahi tale mihingte nunpatnak thu ah sunloihnak ngeng sesem tuk hi.
10 Ni dang laihin, a dezet bokmi sunloihnak cu atu a vak sesemmi sunloihnak hangin a vaknak ziam zo tih tuk hi zo hi.
11 Hun comno sung a vakmi khi sunglawizet a ti uh ahin a kumkhua a phatmi cu itihzah sunglawi sesem tuk hum!
12 Hitih bang muansannak a neihnak uh hangin ngam zetin ngalpha ung hi.
13 Kohte cu Moses bang hi kha ma ung. Moses in, a mitmai a vakmi a ziam dedeuhmi khi Israel miten mu thei haw ma hen tin, a mai cu puanin khuh cop hi.Ref 3:13 Suah 34:33;
14 Iti bang hei in hihen a lungmu kongka haw cu bing leleng hi. Tu ni tian thutiam lun a sial haw sial ten a lungmu haw cu puan tuah khuh leng haw laih hi. Mihing cu Khrih tuah a pehzom haw bek ten mahmi puan cu lawl haw hi.
15 Tuni tian Moses thukham a sial haw ten a lungmu haw cu puan tuah khuh leleng haw laih hi.
16 Mahnaven mah puan cu vawk theih hi; Lai Thiangtho hei in, Moses cu “ Topa i lam a hek ten a puan cu duk cawm,” ti hi.Ref 3:16 Suah 34:34;
17 Lai Thiangtho in, “ Topa” a tihmi cu Hawvang Thiangtho hi. Mahten Topa i Hawvang umnakah zalennak um hi.
18 Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.