15
1 Cakhutaata avuo lie khiy a lesyipa hne kharuehaa aa chiypa pahmungsana hmang suokha i hmung. Avuoming pasariy hne puvtlung pasana suosariy cuo yite caca a hnangcawcepa ta a cuo. Tahematapakieca Khazing hihaana a chuona tana a cuo.
2 Cakhutaaca myi hneta aa pyapa thlaluo riyliy haapa suokha i hmung. Saahruo hne a kuvtuezuv hne a ming nangbaa a tetuv tie kha ama kuv lie Khazing tingtuo a cyi yite thlaluo riyliy kielie amaa daapa kha i hmung.
3 Iema ca Khazing changtaapanote 15:3 Gk Sii Moses hlaa hne Tuvtaata hlaa kha ama sa:
"A Lesyicepa Abyipa Khazing,
Khatluv tama na hmang tuepa hing
lesyi te kharuehaa aa chiy!
Aa dangpa hne aa hmuopa ca
nama luopuv tana a cuo,
Mingphang zaw Siepahruo!
4 Abyipa, ahungma nama ca ciy li pata,
na ming ca parungnaa sa li pata a aw aa?
Tahematapakieca
nama pakha dyi hingna a pathe ciy.
Mingphang bangkhuo hing
na hmiekung luo a vaw'a yite,
nama kha acaa bie'a yi.
Tahematapakieca na biechina ca aa luo tli.
5 Cakhutaata i mang ca, tehtekhuona thluodaa biena-ing aa pahawpa kha i hmung.
6 Avuoming pasariy kha puvtlung pasana suosariy hne biena-ing chung taata ama kya pya. Iema ca a pathepa pangruopa kha a buv yite, ama cacunghnaa kha siyy cacunghnaapaze amaa paze.
7 Cakhutaacata a hringpa saruopa papaliy chung taa pakha ta avuoming pasariy ca chuozaa ta a hringpa Khazing hihaana ta a bipa siyy kuotung suosariy a pi yi.
8 Biena-ing ca Khazing rungnaana hne a cahrana taata a pyapa myikhuv ta bi te, avuoming pasariy tie puvtlung pasana suosariy ama chuo hluo li pakha hmuo a ngie khu vayi.