FILEMON
Filemon'a Luo Paul Caapaphya
1
1 Khrih Zingsuv kawlieta thaw a tlapa kama Paul hne ma uvnupa Timote ta,
2 ma viesaa hne ma rehriehne ta a cuopa Filemon, ma sieta Apfia, ma rieka viesaa Arkhipas hne na ing lie a pungpa khrihsaabuv kha caa maca paphya yi.
3 Ma Paa Khazing hne ma Byipaapa Zingsuv Khrih'a taata vihnyina hne diena ca nama cunglie aw mangsue.
4 I thlaachuona lie caa thyi pari ang te Khazing kha i pathuo sa.
5 Tahematapakieca mingpathepa tie na duena hne Abyipa Zingsuv na zangna kha i thyi.
6 Zingsuv Khrih cuota manote 1:6 Hluo vie caa-uv lieca na hrie riypa* a ta. hrie riypa a phapa bangkhuo na pachangpasie thueta na zangna kaw thuophaabie na phupa kha a hma a si riypata thlaa ica chuopa.
7 I nuta, na duena ta i palung khuopuv ta na patluo sa te thaazuo ina pi. Tahematapakieca mingpathepa tie nama ta mingpathepa tie palung kha na patluo sa.
8 Canakaw cata, na hrie riypa re kha hrie riypata riephasa pata Khrih ming ta naw ica pi nguo raalaa pata,
9 kama Paul ta uvthyi vie cuona taa hne Khrih Zingsuv cuota thaw a tlapa cuona taata duena hne paa ica kie.
10 Thaw i tla nguoluo chung ta i saata ta a vya cuopa Onesimas cuota paa ica kie.
11 Ahluo taca na cuota khaahmuo thlahne vyi, cuorasala ata hing ca nama hne kama ma cuota a thlahnepanote 1:11 Onesimas tapa ming a siyluo ca hmuo the a awpa a cuo li kie rina 20* hne ma manghne kiecaa a thlahnepaa* tanata a cuo a cuo tli.
12 Ama kha, i pathiy i palung hneta nama'a luo ica paphya pakhaa.
13 Thuophaabie kawlie thaw i tlana lie hing kama kha mangsang riypata, nama cuopa ta na aw puo sala tapata i khing.
14 Cuorasala nama palung tling li pata khaahmuo tue khing va ang, tahematapakieca na hmangpha tuena hing hripuo nakaw cuo li pata nama palung thu ta a cuopa i khing.
15 Nama hne kaakha aa chepa hing ama kha chuozaa ta na hnyi khu na riypatana a cuo thlu aa.
16 Na cuota sii pakha haata cuo li pata sii laata a suo viepa duepa uvnu pakha ta a cuo tli. A hlyi ta kama cuota zaw cuote, nama cuota changchiy ca thiysaa lie hne Abyipa chunglie ta na duepa uvnu a cuo.
17 Cacuonakawta kama kha na rehriehne ta ina rue cakieca, kama ina cuhluo'apa haa cata ama kha cuhluo tie.
18 Ama ta na cunglie suena suokhakha a tue kie cuose, suokhakha acaa uo kie cuose, kama cazing lie kha khung tie.
19 Kama Paul ta i kuv ta i cape: Ica thung hrahring aa. Nama pangpa hrahring hing hmuo kama'a lie inaa uopa cakha khaahmuo ri'a va tli ang.
20 A cuo, i nuta, Abyipa ming ta ica hiepa hing na pi tie! Khrih chunglie i palung na patluo tie.
21 I ripa laa hing tahmuo a pha vie ta na tue aa tapa kha pachangna cangta hne na ri-angiena kha zangna cang ta nama'a luo caa i vya capepa a cuo.
22 I vya ri khing kaliepa ca, i tlungna riypata ingkhuo khuokha kha na za chipa pacie tie, tahematapakieca nama thlaachuona thueta niema'a luo ivya chiy pakhaa thlu aa tapata i nguopuo.
23 Khrih Zingsuv'a lie i thawtlahnepa Epafras ta na kuv aca patuv.
24 I rehriehne a cuopa Marka, Aristarkas, Demas, hne Luka zaw ta na kuv aca patuv yi.
25 Abyipa Zingsuv Khrih vihnyina ca niema'a lie aw mangsue.note 1:25 Hluo vie caa-uv lieca Amen* a bechiypuo kalie.