3
(Mat 3:1-12; Mar 1:1-8; Jhn 1:19-28)
1 Rom Siepahruo Tiberius ta ruo a uvnapa kung hraa hlyipangaa a ta ning kha Pontius Pilat ca Judah ruo muokiy byi ta a cuo, Herod ca Galilee ruo uvtuvnote 3:1 Gk Hingpa lieta uvtuv * a tapa hingca, 'tetrarch,' * a tapa 'uvtuvpachaapa,' * tanapa tana a cuo. cuote a nuta Filip ca Iturea hne Trakhonitis pe uvtuv ta a cuo; Lisanias ca Abilen uvtuv cuote
2 Annas hne Kaiafas ca tluobyi lepa ta ama cuo. Capa cuo ning ca ruochung lie a awpa, Zekhariah saacapaapa Johan'a luo kha Khazing bie aa zuv.
3 Ama ca Jordan cavaa kiecahriy ruo bangkhuo khata tlaw te, "Sue a ngiethena cuota a ngiepachiy pata tiy a naw riypa kha
4 profet Isaiah caa-uv chunglie a zaa capepa haakhata a ukhyi:
"Cawsaa pakha ca ruochung lie kha u te,
Abyipa cuota luo kha sa tie ung,
a cakuona riypa luo ca padang tie ung,
5 Huekaw bangkhuo ca pabi ungla,
tluo lepa hne tluo cawta zaw kha pacing tie ung.
Luo a kyipa kha padang ungla,
luo a bupa zaw kha pame tie ung.
6 Cawsaapa bangkhuo ta
Abyipa khuona ca hmung yi se!" a ta.
7 Tiy a naw riypata ama'a luo a vawpa cawsaazaapuv tie kha Johan ta, "Pariy ciypathla zaw! Ahungma a vya chiy riypa duotena hing a ruose riypata a raaringna caa pi yi?
8 A ngiepachiyna hne aa phuvpa hringna hnyi tie ung. Abraham samingsahlaa tana ma cuo a ta kha tie ung. Ica chang yi: Khazing ca hingpa alung hing la pata Abraham samingsahlaa ta a tue khu.
9 Thingkung hu riypata a hryi ca a thabaw lie kha chipa a cuo tli; thyiphaa a pathyi lipa thingkung bangkhuo ca hu'a yite myi chung luo thawpa a cuo aa.
10 Cawsaazaapuv ta, "Cacuokieca khaapama ma tue aa?" ama ta.
11 Ama ta, "Buohryicungle zunghning a hnyipa ta a hnyi lipa kha pibuo se, sa a hnyipa zaw ta cahaa cata tue se," a ta.
12 Ngukhyituv tie zaw kha tiy a naw riypata a vaw yite, "Saya, khaapama ma tue aa?" ama ta.
13 Ama ta, "Khyi riypa tapa laata a hluv vie ta khyi kha ung," a ta yi.
14 Rieka tie zaw ta, "Kiema haw khaapama ma tue aa? ama ta ra. Ama ta, "Ahunghmuota hruohra ta tuokaa va chuv kha ung. Ahunghmuo a hmuo li pata pachiypahuo pata tuokaa hie kha ung. Nama laakhaa lie kha nama palung tling se," a ta yi.
15 Cawsaa ca a ruechuona hne bi yite Johan hing Messiahnote 3:15 Or Khrih cata a cuo'a ma ta yite ama pacuo syalya.
16 Johan ta iema kha, "Kama ca tiy ta tiynawna ica pi yi, cuorasala kama laata a cahra vie karaapa pakha a vaw nguoluo te kama ca a phyipakaw riy pathluo riypata hmuo a tla va ang. Ama ta niema kha Thlaapa Pathe hne myi ta tiy aca naw'a yi.
17 Ama ca suo zinapa pahraa kha a cyi te suo kha a zi aa; a chuo phapa ca be luo kha raw'a te asiypa ca a thiy buo lipa myi chunglie a rue aa," a ta.
18 Johan ca cawsaa kha bie a phangphang ta thuophaabie a chang yi.
19 Cuorasala muokiy byipa Herod ca a nuta napuvnung Herodias kha a hlaw te a hrangpa hmangpha lipa a hluvsa zaw kha a tue. Capa kawlieca ta Johan ta a chuo ca,
20 Johan kha thaw pathla te a zya chiepa kha a chachiy hryly.
(Mat 3:13-17; Mar 1:9-11)
21 Cawsaa bangkhuo kha tiy a maa naw khu taata Zingsuv zaw kha naw ra te thlaa a chuo nguoluo pata vuoruo ca zaa pahaw te,
22 Thlaapa Pathe ca thuvruv haakhata za cung te a cunglie kha a zaa cang. Cakhutaa vuoruo taata ueryi a zuv te, "Nama ca i Duepa i Saacapaa tana na cuo. Na cunglie i palung a tluo," a ta.
(Mat 1:1-17)
23 Zingsuv ca re hrie a pathu ning kha kung sawthung hraw a cuo. Ama ca Josef saacapaa tana a cuo tapata cawsaa ta ama rue. Josef ca Heli saacapaa ta a cuo,
24 Heli ca Matthat saacapaa ta a cuo, Matthat ca Levi saacapaa ta a cuo, Levi ca Melkhi saacapaa ta a cuo, Melkhi ca Jannai saacapaa ta a cuo, Jannai ca Josef saacapaa ta a cuo,
25 Josef ca Mattathias saacapaa ta a cuo, Mattathias ca Amos saacapaa ta a cuo, Amos ca Nahum saacapaa ta a cuo, Nahum ca Esli saacapaa ta a cuo, Esli ca Naggai saacapaa ta a cuo,
26 Naggai ca Maath saacapaa ta a cuo, Maath ca Mattathias saacapaa ta a cuo, Mattathias ca Semein saacapaa ta a cuo, Semein ca Josek saacapaa ta a cuo, Josek ca Joda saacapaa ta a cuo,
27 Joda ca Joanan saacapaa ta a cuo, Joanan ca Rhesa saacapaa ta a cuo, Rhesa ca Zerubbabel saacapaa ta a cuo, Zerubbabel ca Shealtielnote 3:27 Gk Shealtiel saacapaa ta a cuo; Shealtiel ca Neri saacapaa ta a cuo;
28 Neri ca Melkhi saacapaa ta a cuo; Melkhi ca Addi saacapaa ta a cuo. Addi ca Kosam saacapaa ta a cuo, Kosam ca Elmadam saacapaa ta a cuo, Elmadam ca Er saacapaa ta a cuo,
29 Er ca Joshua saacapaa ta a cuo, Joshua ca Eliezer saacapaa ta a cuo, Eliezer ca Jorim saacapaa ta a cuo, Jorim ca Matthat saacapaa ta a cuo, Matthat ca Levi saacapaa ta a cuo;
30 Levi ca Simeon saacapaa ta a cuo, Simeon ca Judah saacapaa ta a cuo. Judah ca Josef saacapaa ta a cuo, Josef ca Jonam saacapaa ta a cuo, Jonam ca Eliakim saacapaa ta a cuo,
31 Eliakim ca Melea saacapaa ta a cuo, Melea ca Menna saacapaa ta a cuo, Menna ca Mattatha saacapaa ta a cuo, Mattatha ca Nathan saacapaa ta a cuo, Nathan ca David saacapaa ta a cuo,
32 David ca Jesse saacapaa ta a cuo, Jesse ca Obed saacapaa ta a cuo, Obed ca Boaz saacapaa ta a cuo, Boaz ca Salanote 3:32 Hluo vie caa-uv lieca Salmon * a ta. saacapaa ta a cuo, Sala ca Nahshon saacapaa ta a cuo,
33 Nahshon ca Amminadab saacapaa ta a cuo, Amminadab ca Admin saacapaa ta a cuo, Admin ca Arninote 3:33 Hluo vie caa-uv lieca Amminadab ca Aram saacapaa ta te a hrangpa tie ta a phangphang ta ama ri. saacapaa ta a cuo, Arni ca Hezron saacapaa ta a cuo, Hezron ca Perez saacapaa ta a cuo, Perez ca Judah saacapaa ta a cuo,
34 Judah ca Jakob saacapaa ta a cuo, Jakob ca Isak saacapaa ta a cuo, Isak ca Abraham saacapaa ta a cuo, Abraham ca Terah saacapaa ta a cuo, Terah ca Nahor saacapaa ta a cuo,
35 Nahor ca Serug saacapaa ta a cuo, Serug ca Reu saacapaa ta a cuo, Reu ca Peleg saacapaa ta a cuo, Peleg ca Eber saacapaa ta a cuo, Eber ca Shelah saacapaa ta a cuo,
36 Shelah ca Kainan saacapaa ta a cuo, Kainan ca Arpaksad saacapaa ta a cuo, Arpaksad ca Shem saacapaa ta a cuo, Shem ca Noah saacapaa ta a cuo, Noah ca Lamek saacapaa ta a cuo,
37 Lamek ca Methuselah saacapaa ta a cuo, Methuselah ca Enok saacapaa ta a cuo, Enok ca Jared saacapaa ta a cuo, Jared ca Mahalaleel saacapaa ta a cuo, Mahahlaleel ca Kainan saacapaa ta a cuo,
38 Kainan ca Enosh saacapaa ta a cuo, Enosh ca Seth saacapaa ta a cuo, Seth ca Adam saacapaa ta a cuo, Adam ca Khazing saacapaa ta a cuo.