27
Gye Mau" We' Mung" Eib Mau" Zaui: Phung:
1 Ce:byu japhin: wa Israel yham khaung au: jhaung qe- amyu" kaung au: jhaung qe:- we' mung"dan: eib khang" mau" zaui" ra" yao: bam: zug: qe: japhin: ngad: ra". Lho" khye' khao: ngo" phung: ayab khyo" byu shid' tug: byid taung yaug wa lho" ai: khye' mae zug: kad' yang: qao: mae na mung: mau" zaui" ako".
2-15 O mae" mo, wa lho" dakhye' we' dakhye' mae" zug: qe ngad: ako".
Sao qhid' khye'- Zabdie nho: yauggai zo: Yashobeam (Yao: wa Yuda amyu" mae" Pere kaung mae bobo yaug ngad: ra")
Shid' khye' khye'- Ahohi nho: myid:zo: Dodai- (Miklod wa yao" o mae" zug: ngad: ra".)
Sam khye' khye'- khinjaung Yehoiada nho: yauggai zo: Benaia- ngad mung: yao: wa sam xe yaug: nho: au: jhaung ngad: ra". (Yao" yauggai zo: Amizaba wa ce: phung" nho: zug: khyo" yao" khu mae zug: xo' kad' ra")
Byid khye' khye'- Yoab nho: yao: nhaung: Asahe- (Yao" yauggai zo: Zebadia wa yao" khu mae xo' ra".)
Ngo" khye' khye'- Izha nho: myid:zo: Shamhud-
Khyaug' khye' khye'- Tekoa mae" Ike nho: yauggai zo: Ira.
Nhad' khye' khye'- Pelon mae" Ephrim byu Heled
She' khye' khe'- Hushai mae" Sibekhai- (Yao: wa Yuda amyu" mae" Zera kaung mae bobo yaug ngad: ra".)
Gug khye' khye'- Benyamin amyu" kaung: nho: mug: myid mae jo; ra" Anatopha mae" Abieze.
Daxe khye' khye'- Netopha mae" Maharai (Yao: wa Zera nho: kaung mae bobo yaug ngad: ra".)
Daxe: dakhye' khye'- Ephrim amyu" kaung qenho: mug: myid mae jo; ra" Pirathon mae" Benaia-
Daxe: shid' khye' khye'- Netopha mae" Heldai (Yao: wa Othnie nho: myid:zo: dayaug ngad: ra".)
Israel Nho: Amyu" Kaung Qenho: Eib Ra" Khyo
16-22 Ce wa Israel nho: amyu" kaung qenho: mung" eib zug: qe: japhin: ngad: ra".
23 Kho:kham Davi wa apyad shid xe zin o mae" mo, re byu japhin: magaug: yu ngad: ra". Pe"mung: gare Asang wa Israel byu qere mug:gaung mae" kyi nho" myo: nhao nae" dao:so: byid' to: yang: ngad: ra".
24 Yao: myhi" Zeruia nho: yauggai zo: Yoab wa byu japhin: gaug: qhid: ra". Ngadqere: yao: wa ai re magaug: pin" ngad: ra". Mao"So wa ce: byu japhin: mathao mae Israel byu qere qobo dae byid: mung: kho:kham Davi nho: tarha" vao tung" xam: mae lo" thao" aso: khonhae" re: matung" xam" to: ngad: ra".
Kho:kham Kho" Jo, Nho" Re Eib: Ra" Zug: Qe
25-31 Ce wa kho:kham kho" jo,nho" eib: ra" mo; nho: japhin: ngad: ra".
Ai bam wa kho:kham nho: jhi mae- Adiela nho: yauggai zo: Azmaved.
Mung" shava jhi mae- Uzia nho: yauggai zo: Yonathan-
Yo mau" mae- Khelub nho: yauggai zo: Ezri-
sabyi khyae mae - Rama mae" Shimi
sabyi shi: sabyi' qang: jhi mae- Shepham mae" Zabdi
Zhan:lun: we' thaung zo gae (Bavao shad' bam khyid mae") khyae mae- Gedera mae" Bala Hanan-
Zhan:lun: xau jhi mae- Yoasha
Sharan pa:din" mae" nung: kyaung" mae- Sharon mae" Shitai-
lao:khaung jham mae" nung: khyaung" mae Adlai nho: yauggai zo: Shaphad.
gola:u kyaung" mae- Ishmae byu Obi-
Loze kyaung" mae- Meronod byu Yedeia-
Yao- cad' kyaung" mae"- Hagari byu- Yazi bam ngad: ako".
Davi Nho: Gaung Cao Pha,jhi" Byid: Byu Qe
32 Kho:kham Davi nho: yao: gan Yonathan wa ba jhao: ra" pha,jhi" byid: yaug we' jham: sara mo" dayaug ngad: ra". Yao: we' Hakhamori nho: yauggai zo: Yehie wa kho:kham yauggai zo: qenho: pha,jhi" mho" byid' ra" khyo mae au: jhaung ngad: ako".
33 Ahithophe kho:kham re pha,jhi" byid: yaug Akhi byu Hushai wa kho:kham pho" nho: ba nam we' byin phyo: qham cao: ngad: ako".
34 Ahithophe shid thao Abiatha we' Benaia nho: yauggai zo: Yehoiada wa pha,jhi" byid: boe" lo: ako". Yoab wa kho:kham gyetab mae" gyezug: mo" ngad: ra".