24
Khinjaung Qere Mau" San Byid' Ra" Khyo
1 Ce: byu phung: qe wa Arun kaung mae bobo mo, ngad: ako". Arun wa Nadab- Abihu- Eleaza- Ithama ga" ra" yauggai zo: byid yaug qo" ra".
2 Nadab we' Abihu tao wa yao: shid' tao: yao: pho" mashid shire shid: lo" ako". Yao: shid' tao wa myid:zo: mamyhung co' ko" ngad: ra". Aimung: yao: tao: yao: nhaung: Eleaza we' Ithama tao wa khinjaung boe" lo: ako".
3 Kho:kham Davi wa yao: bam: mau" re cao" mung: Arun nho: myid:zo: qere aphung: phung: kad' nhao: ra". Yao: wa ceru re Eleaza nho: myid:zo: Zadog yang re: Ithama nho: myid:zo: Ahimeleg yang bao" yang: kad' ra".
4 Eleaza nho: myid:zo: qere daxe: khyaug' phung: kad' mung: Ithama nho: myid:zo: qere wa she' phung: kad' ra". Ceru: kad' ru wa Eleaza nho: myid:zo: qe: phaung mae yham khaung au: jhaung yauggai je: laug geyang: ngad: ra".
5 Eleaza we' Ithama tao geim" nho: myid:zo: qe wa Caung:pa" Yham agyi qe we' byo we' sin" ra" au: jhaung qe bo geyang: yao: bam: mau" re pha" ce' khyo" yang: khyin: san: ako".
6 Eleaza we' Ithama nho: myid:zo: qe wa yao: yao" ayab re pha" ce' khyo" qo yu: ako". Ai: thao yao: bam re Nethane nho: yauggai zo: Levi byu jare" Shemaia yang mang japhin:- tung" ke' ra". Kho:kham- yao" zug: qe- khinjaung Zadog- Abiatha nho: yauggai zo: Ahimeleg we' khinjaung yham khaung au: jhaung qe- Levi yham khaung qe alhab' wa sagse: ngad: ako".
7-18 Ceru wa yao: bam: mau" mae san: to: qhug' ko" ra" yham khaung shid' xe byid lam" nho: adai: ato' ngad: ra". 1) Yehoiarib 2) Yedaia 3) arim 4) Seorim 5) Malkhiya- 6) Miyamin- 7) Hakoza- 8) Abiya- 9) Yeshua- 10) Shekhania- 11) Eliashib- 12) Yakim- 13) Hupa- 14) Yeshebeab- 15) Bilga- 16) Imma- 17) Hezira- 18) Hapize- 19) Pethahia- 20) Yehezke- 21) Yakhin- 22) Gamula- 23) Delaia- 24) Mazia bam ngad: ako".
19 Ce: byu qe wa Israel Mao"So Asang: nho: amyin" jham re phug' cao" yang: yao: bam: phug' pho" Arun yang kad' to: co' ra" Caung:pa" Yham khyo ye: mung: yao: bam mau" re vin: ra" yao: bam: mau" re cao" yang: mang japhin: tung" ke' to: qhug' mo, ngad: ako".
Levi Byu Qe: Japhin:
20 Cebam wa Levi myid:zo: qe mae" gatau: yham khaung au: jhaung qe ngad: ako". Amaram nho: myid:zo: Shubaela- Shubaela nho: myid:zo: Yehdeia,
21 Rehabia nho: myid:zo: Ishia-
22 Izha nho: myid:zo: Shelomid- Shelomid nho: myid:zo: Yahad.
23 Hebron nho: yauggai zo: qe wa yao: bam: apyad re cao" yang: Yeria- Amaria- Yehazie- Yekameam bam ngad: ako".
24 Uzie nho: myid:zo:- Mikha- Mikha nho: myid:zo: Shamira -
25 Uzie nho: myid:zo: Mikha nho: yao: nhaung: Ishia- Ishia nho: myid:zo: Zekharia
26 Merari nho: myid:zo: qe ngad ko" ra" Mali- Mushi- Yazia
27 Yazia wa Shoham- Zaku- Ibri ga" ra" yauggai zo: sam yaug qo" ra".
28-29 Mali wa Eleaza we' Kisha ga" ra" yauggai zo: shid' yaug qo" ra". Eleaza wa yauggai zo: maqo" ngad: ra". Ngadqere: Kisha wa Yerahme ga" ra" yauggai zo: dayaug qo" ra".
30 Mushi wa Mali- Ede- Yeremod ga" ra" yauggai zo: sam yaug qo" ra".
Cebam wa Levi byu yham khaung qe ngad: ako".
31 Arun nho: myid:zo: khinjaung qe ngad: ko" ra" yao: bam: amyu" qe kad' ko" ru we' dakhyo: yham khaung khao: ngo" mae" au: jhaung we' yao" nho: yao: nhaung: qe mae" dayaug wa yao: bam: mau" re pha" ce' khyo" ako". Kho:kham Davi- Zadog- Ahimeleg- khinjaung qenho: yham khaung au: jhaung qe we' Levi byu qe wa sagse: qe ngad: ako".