1 KHO:KHAM MHOMYI: 1 (LVB)

KHO:KHAM MHOMYI: DALAM:

(1 CHRONICLES)

Dao: Phung"

Kho:kham mhomyi: jham wa Samuela we' kho:kham mugsug' jham mae tung" xam" to" ra" boe" ra" khyo jham re myo: sho' dam: ta" to" ra" mugsug' paug' ngad: ra". Ngadqere: myao jao: shai" ra" khyo" ta" to" ra". Kho:kham mhomyi: paug' mae Israel kho:kham mhomyi: khyo we' sin: yang: au: qang khyo aqi: shid' lam" yang eib: ci: ra".

1. Israel we' Yuda mung"dan: dao mae kyi" khyag' ru gyo" zao" sho' ngadqere:- Mao"So wa byumyu" re jhaug' zaug mung: Yuda mung" mae na ko" ra" mo, khyo" yang yao" byumyu" qhid' mae" yao" myid: yaung: to" ra" khyo re zaui" boe" shinae" ngad: rure qhu" byid: nae" qhid' mae" ngad: ra". Ce: pakham: qhid' mae" apan aqao: khyo"- mugsug' tung" yaug wa Davi we' Sholamun nho: qi" qhang: aung myaug: ra" khyo jham- Yehoshaphad Hezekia- Yoshia bam: nyhang" byao: ra" lo,mau" khyo jham- Mao"So re jhaug' zaug za: na: dang: jo, ko" ra" amyu" byu qere ta" to" ra".

2. Yerusalem vogaung: mae" Caung:pa" Yham mae Mao"So re caung:pa" ra" khyo ajhaung re ta" kyo: nae" we' je yang: khinjaung qe we' Levi byu qe: phung" yang zaui" ra" caung:pa" khyo re ta" kyo: nae" qhid' mae" ngad: ra". Caung:pa" Yham re kad' yaug wa Sholamun ngad sho' ngadqere: Davi wa Caung:pa" Yham we' ainho: caung:pa" thung" jham: nho: aqhid kad' yaug khyo" kai" qhu" to" ra".

Adam: Mae" Abraham Joe" Sho'

(Apn 5.1-32; 10.1-32; 11.10- 26)

1 Adam wa Sed nho: yao: pho"- Sed wa Enu nho: yao: pho"- Enu wa Kenan nho: yao: pho"- 2 Kenan wa Mahalale nho: yao: pho"- Mahalale wa Yared nho: yao: pho"- 3 Yared wa Enog nho: yao: pho"- Enog wa Methusela nho: yao: pho"- Methusela wa Lameg nho: yao: pho"- 4 Lameg wa Noa nho: yao: pho"- Noa wa Shen- Ham- Yaphed ga" ra" yauggai zo: sam yaug qo" ra".

5 Yaphed nho: yauggai zo: qe wa Gama- Magoga- Madai- Yavan- Tuba- Mesheg- Tira bam ngad gemung: yao: bam: yham khaung mang vin: ra" mo; nho: phug' pho" qe ngad: ako". 6 Gome nho: myid:zo: qe wa Ashkena- Riphad- Thugama byu qe ngad: ako". 7 Yavan nho: myid:zo: qe wa Elishaha- spain Kupru- Rode byumyu" qe ngad: ako".

8 Ham nho: yauggai zo: qe wa Kusha- Egutu- Libya- Khanan bam ngad mung: yao: bam: yham khaung mang vin: ra" mo; nho: phug' pho" qe ngad: ako". 9 Kusha nho: myid:zo: qe wa- Seba- Havila- Sabta- Raama- Sabtekha- byu qe ngad: ako". Raama nho: myid:zo: qe wa Sheba- Dedan byu qe ngad: ako". 10 (Kusha wa Nimrod ga: mang: ra" yauggai zo: dayaug qo" ra". Ai: yaug wa mug: myid: nho: qi" qhang: ra" sao qhid' mae" aung doe, yaug boe" lo: ra".) 11 Egutu nho: myid:zo: qe wa Ludia- Anam- Lehab- Nabthu- 12 Pathru- Khaslu we' Krete byu ngad: ako". Krete byumyu" mae" Philisti byumyu" qe na: gyo" li" ako". 13 Khanan nho: yauggai zo: qe wa zoqhid' yaug Sidon we' Hed tao ngad mung: yao: shid' tao: yham khaung mang vin ko" ra" mo; nho: phug' pho" qe ngad: ako". 14 Khanan wa Yebusi- Amori- Girgashid- 15 Hivi- Arki- Sini- 16 Arvadid- Zemarid- Hamathi- byu qenho: phug' pho" re: ngad: ra".

17 Shem nho: yauggai zo: qe wa Elam- Ashu- Arpakshad- Luda- Aram- Uza- Hula- Getha- Mesheg bam ngad gemung:- yao: bam: yham khaung mang vin: ra" mo; nho: phug' pho" qe ngad: ako". 18 Arpashad wa Shela nho: yao: pho" ngad: ra". Aiyaug wa Eber nho: yao: pho" ngad: ra". 19 Eber wa yauggai zo: shid' yaug qo" ra". Dayaug: mang wa Peleg ngad: ra". Pe"mung:ga"re yao" pyad gyo: mae byu qe wa shid' phung: jho" kho' lo" geyang: ngad: ra". Aimung: dayaug: mang wa Yoktan ngad: ra". 20 Yoktan nho: myid:zo: qe wa- Almodad- Sheleb- Hazarmared- Yera- 21 Hadoram- Uzala- Digla- 22 Eba- Abimae- Sheba 23 Ophi- Havila- Yobab bam ngad: ako".

24 Shem mae" Abram joe"sho' mae" yham khaung byu qe wa o mae we' dakhyo: ngad: ako". Shem, Arpakshad- Shela- 25 Eber- Pheleg- Reu- 26 Serug- Naho- Tera- 27 Abram (Abraham ga: re: mang yaug) ngad: ako".

Ishmae Nho: Myid:zo:

(Apn 25.12-16)

28 Abraham wa Isag we' Ishmae ga" ra" yauggai zo: shid' yaug qo" ra". 29 Ishmae nho: yauggai zo: qe wa byumyu" kaung daxe: shid' kaung: nho: au: jhaung qe boe" lo: ako". Ai bam wa- Nebaiod- (Ishmae nho: zoqhid' yauggai zo: mang mae" qhid yang:) Keda- Adbe- Mibsam- 30 Mishma- Duma- Masa- Hadad- Tema- 31 Yetu- Naphi- Kedema bam ngad: ako".

32 Abraham wa Ketura ga: mang: ra" myingai- dayaug qo" ra". Ai: yaug wa yao" qhid' mae" Zimran- Yokshan- Medan- Midian- Ishbag- Shuala ga" ra" yauggai zo: khyaug' yaug khau byid' ra". Yokshan wa Sheba we' Dedan ga" ra" yauggai zo: shid' yaug qo" ra". 33 Midian wa Epha- Ephe- Hanug- Abida- Elda ga" ra" yauggai zo: ngo" yaug qo" ra".

Eso Nho: Myid:zo: Qe

(Apn 36.1-19)

34 Abraham nho: yauggai zo: Isag wa Eso we' Yaku ga" ra" yauggai zo: shid' yaug qo" ra". 35 Eso nho: yauggai zo: qe wa Elipha- Reuela- Yeu- Yalam- Kora bam ngad: ako". 36 Elipha wa o mae tung" to" ra" Teman- Omara- Zephi- Gatam- Kena- Timna- Amaleg kaung qenho: phug' pho" boe" lo: ra". 37 Reuela wa Nahad- Zera- Shamma- Mizza kaung qenho: phug' pho" boe" lo: ra".

Edom mung" mae" na xug' qe

(Apn 36.20- 30)

38-42 Edom mung" mae" na xug' qe wa o mae tung" to" ra" Seira nho: yauggai zo: qemae" gyo" lo mo, ngad: ako".

Lotan wa Horid we' Homam kaung: nho: phug' pho" ngad: ra". (Lotan wa Timna ga: mang: ra" nhae: mo" dayaug qo" ra")

Shobala wa Alvan- Manahad- Eba- Shephi- Onam- kaung qe: phug' pho" ngad: ra".

Zibeon wa Aia- ana ga" ra" yauggai zo: shid' yaug qo" ra". Ana wa Dishon nho: yao: pho" ngad mung: Dishon wa Hamran- Eshaban- Ithran- Kheran kaung qe: phug' pho" ngad: ra".

Ezera wa Bilhan- Zavan- Yakan kaung: nho: phug' pho" ngad: ra".

Dashan wa Uza we' Aran kaung nho: phug' pho" ngad: ra".

Edom Kho:kham Qe

(Apn 36.31-43)

43-50 Israel mung" mae kho:kham qe dayaug re: mana shi mae" Edom mung" mae dayaug: thao dayaug eib: lo ko" ra" kho:kham qe wa o mae tung" to" ra" mo, ngad: ako".

Aibam wa- Dinhaba mae" Beo nho: yauggai zo: Bala-

Bozra mae" Zera nho: yauggai zo: Yobab-

Terman mang: mae" Husham-

Avid mae" Bedad nho: yauggai zo: Hadad (yao: wa Midian byu qere Moba mung" mae" gyekhe' poe mae khe' aung: pye' yaug ngad: ra".)

Masreka mae" Samla

Qid yae mae jo; ra" Rehobod mae" Shaula

Akbo yao: zo: Bala Hanan

Pau mae" Hadad (Yao" yham sang myhi" wa Mezahab nho: yao: myid:- Matred nho: myiqe: zo: Mehetabela ngad: ra".)

51 Edom byu qe wa o mae tung" to" ra". Byumyu" kaung qekhyo" jho" kho' lo" byaug: ako". Ai bam wa Timna- Alva- Yethed. 52 Oholibama- Ela- Pinon- 53 Kena- Teman- Mibza- 54 Magdie- Iram kaung jham ngad: ako".