CAUNG: KHIN" 93
Kho:kham Mao"So
1 Asang wa kho:kham ngad: ra".
Yao: wa qam: o: ve; ci: ra".
Myid gaung wa yao" jo, qo mae tang za: te" to: mung: malaui: lo:-
2 Asang we"- ni" tao" myhao wa sao qhid' maqhid mae" tang: jo; ra".
Aimung: nao wa yo, khyin: majo; qhid shimae" na: jo; ra".
3 Asang we"- no; ra" panglai: tham: wa yao" thoe re zag: hug' ke' ra".
Yao: bam wa thoe myhao ke' mung: myang: na: ako".
4 Asang wa mug:gaung dao mae- magan: mathao" qam: so' yang eib: na: ra"-
nammugdara myang: tho' mago" panglai: bang: lhung" nho: qam: so' tho' mago" qi" qhang: ra".
5 Asang we"- ni" tarha" jham wa apyad ato mae jo; jo; ako".
Aimung: ni" Caung:pa" Yham wa gaigai: yao: apyad ato mae gyang" lho" jo; ra".