CAUNG: KHIN" 54
Gyevo Qe Mae" Gug: Gam: Yu Byid: Nae" Akyu" Mho' Dao:
(Zilpa mae" byu qe Sholu jhao" ye: mung:- yao: bam: mug: kyo: khug mae Davi vho' na: jo; ru ta" shid' gethao Davi peim: ra" ji:)
1 Mao"So we"- ni" qam: so' yang ngore
khyad' yu la, ni" qam: so' yang ngore lhoe' ke' la,.
2 Mao"So we"- ngo akyu" mho' ra" thoe re gyo: byid: la,-
nga" dao: jham re tae" gyo: byid: la,.
3 Ngad beim: mo, wa ngore khe' zin: nae" ga: li" na: ako". Mao"So re pe" majho: ra"
aqan alan mung mo, wa ngore se' nae" ga: seim" na: ako".
4 Ngadqere: Mao"So wa nga" nho: bao" thaug' yaug ngad:-
Asang wa ngore gye vha byid: yaug ngad:.
5 Mao"So wa nga" gyevo qere yao: bam yao" makhyang" rure ci mung: qobo dae byid: vashao:-
yao: wa kyid yaug ngad yang:- yao: bam re phyo' pye' li" nae".
6 Asang we"- ngo nao re ngaui bau: taung" xeim: ngaui" byid: nae"- nao wa gai
yaug ngad yang:- ngo nao re jeju beim: so" na nae".
7 Nga" qug: khai: alhab' mae" nao ngore khyad' yu: ava".
Amung: nga" gyevo qe seim" gyoe; lo" rure ngo the' myao va".