CAUNG: KHIN" 124
Mao"So Wa Yao" Byu Myu" Re Gug: Gam Byid: Yaug
(Hebre Dao: Au:- Do, lo" au: mae" Davi nho: nghaui" caung:)
1 Ngonhaung" shad' mae Asang mato" bo ngad: re
khoru: boe" nae" laug i? Israel we"- pheim: kyo: la,
2 Ngonhaung" nho: gye qe ngonhaung" re mang: zin" lo: ra" au: Asang ngonhaung" shad' mae mabo: bo re-
3 Yao: bam wa ngonhaung" re nhag' jam: yo: mung: adaui phe, myug: pye' li" genae".
4 Qid gyaung: wa ngonhaung" re pyaung" cilo" mung: qid: yang ngonhaung" re nhai" nghoe' pye' li" nae".
5 Qid bug thin: ruyang ngonhaung" re nhab' se' pye' nae" ngad: ra".
6 Ngonhaung" re ngonhaung" nho: gyevo qeyang maphyo' qheim" pye' nhao: ra" Asang re jeju so: gelang:-
7 Mug khyu lha" mae" loe; beim: lo: ra" ngho' we' dakhyo: ngonhaung" loe; lo va"-
Lha" wa byid: lo" byaug mung: ngonhaung" loe; beim: bam va".
8 Mug:gaung we' myid gaung re phan" to" ra" Asang mae" ngonhaung" nho: bao" thaug' khyo joe" li" ra".