7
1 Aimung: ana" vang dam: bin: zao: pye' mung:- kham: mo" jham re yao" jo, qo mae yao: qo" te' to: va". Aimung: Caung:pa" Yham gug: gam mo, gyang" lho" thoe jab nghaui" caung: phung: mae bobo mo, we' gatau: Levi byu qere yao: yaug yao" mau" mae khyin: san: to: va".
2 Ngo wa- Yerusalem re eib nae" qhid' mae" byu shid' yaug re san: to: va". Yao: shid' yaug wa nga" nhaung: Hanan we'- gye vang eib: ra" zug: mo" Hanani ngad: ako". Hanania wa lam ga" ra" byu ngad mung: Mao"So re gyaug phug' rumae khag' we' re: maqo" tai" yaug ngad: ra".
3 Ngo wa yao: shid' zo: re ceru: pyang: to: va". Yerusalem vomo" kham: mo" re ne, kao ba nyang" thug' yo, joe" sho' maphung" nae" qhid' mae" we' ba vao zo" mae kham: lhaug' mo, mau" mae" maphao: byo shimae" kham: mo" jham re pyid' mung: kham: kyao" jham kyao" to: nae" qhid' mae" ta" to: va". Ngo wa yao: shid' zo: re- Yerusalem mae na: ra" byu qe mae" khyin: yu yang: vogaung: lhaug' mo, san: to: nae" qhid' mae" re:- ai bam mae" damyo" gu: re gakai: lai akhyag jo, qo khaung: mae san: to: mung:- gaje: gu: re wa yao: bam yao" yham avai: ayae mae du" gam" qin" mung: jo" qu" qin" nae" qhid' mae" ta" to: va".
Dam: Tug' Phao: Lo: Ra" Mo; Byu Japhin:
(Ezr 2.1-20)
4 Yerusalem wa qi" ra" vomo" dalam: ngad: ra". Ngadqere: aimae byu myo: sho' mana ngad: ako". Aimung: yham myo: sho' mazhaug' to: shi ngad: ra".
5 Mao"So wa- mung" byu qe we' yao: bam: au: jhaung qe we' zug: qere khai: zhang: mung: yao: bam: yham khaung: tung" xam: jham re ca: qu" nae" qhid' mae" ngore jhan" ra". Ngo wa pyaung" nha: to" rumae" sao qhid' dam: phao: lo mo; tung" xam: japhin: re qho mung: cegu: re the' qho: myao: yu va".
6 Pyaung" nha: to: qhug' mo, myo: sho' wa Babelon mung"dan mae" phao: lo mung: Yerusalem we' Yuda mung" khyo yaug khao: ngo" yao: yao" vogaung: khyo dam: tug' lo: ako". Yao: bam: yham khaung byu qe wa kho:kham Nebugkhaneza yang yao: bam re thaung: byu qekhyo" jhui" pyaung" lo" ra" ayo, mae" Babelon mung" mae na: lo: ako".
7 Yao: bam: au: jhaung qe wa Zerubabela�- Yoshu- Nehemia- Azaria- Ramia- Nahamani- Modekhai- Bilshan- Mispered- Bigvai- Nehum we' Baana ngad: ako".
8-25 Cegu: wa pyaung" nha: to" rumae" dam: tug' lo: ra" Israel amyu" kaung qenho: japhin: ngad: ra".
Paro- 2,172
Shephatia- 372
Ara- 652
Pahad Moba (Yoshu we' Yoab nho: myid:zo: qe )- 2,818
Elam- 1,254
Zatu- 845
Zakai- 760
Binnui- 648
Bebai- 628
Azgad- 2,322
Adonikam- 667
Bigvai- 2,067
Adin- 655
Ate (Hezekia ga: re: mang: ra")- 98
Hashum- 328
Bezai- 324
Harib- 112
Gibeon- 95
26-38 O mae bo: ra" vogaung: jham mae na: lai: lo mo; nho: phug' pho" qere: dam: tug' lo: ako".
Betlehem we' Netopha- 188
Anathod- 128
Bed Azmaved- 42
Kiriad Yearim- Khephira we' Berod- 743
Rama we' Geba- 621
Mikhma- 122
Bethela we' Ai- 123
Gatau: Nebo- 52
Gatau: Elam- 1,254
Harim- 320
Yerikho- 345
Loda- Hadid- we' Ono- 721
Senaa- 3,930
39-42 Cegu: wa- pyaung" nha: to" rumae" dam: tug' lo: ra" khinjaung amyu" kaung jham: nho: japhin: ngad: ra".
Yedaia wa (Yeshua nho: myid:zo: qe)- 973
Imma- 1052
Pashu- 1,247
Harim- 1, 017
43-45 Pyaung" nha: to" rumae" dam: tug' lo: ra" Levi amyu" kaung qe wa-
Yeshua we' Kadmie (Hodavia nho: myid:zo: qe)- 74
Caung:pa" Yham mae" be; nghaui" mo, (Asab nho: myid:zo: qe)- 148
Caung:pa" Yham gug: gam mo, (Shalum- Ate- Talmon- Akub- Hatita- we' Shobai bam: myid:zo: qe)- 138 ngad: ako".
46-56 Pyaung" nha: to" rumae" dam: tug' lo: ra" Caung:pa" Yham mau" zaui: mo; amyu" kaung qe wa-
Ziha- Hasupha- Tabaod-
Kero- Sia- Padon
Lebana- Hagaba- Shalmai
Hanan- Giddela- Gaha
Reaia- Rezin- Nekoda
Gazam- Uzza- Pasea
Besai- Meunim- Nephushesim
Bagbug- Hakupha- Harhu
Bazlid- Mehida- Harsha
Barko- Sisera- Tema
Nezia- we' Hatipha bam ngad: ako".
57-59 Pyaung" nha: to" rumae" dam: tug' phao: lo: ra" Sholamon nho: amyu" kaung qe wa-
Sotai- Sophered- Perida
Yaala- Darkon- Gidela
Shephatia- Hati- Pokhered- Hazebaim we' Amon kaung ngad: ako".
60 Pyaung" nha: to" rumae" dam: tug' lo: ra" Caung:pa" Yham mau" zaui: mo; nho: myid:zo: qe we' Sholamon nho: daui daui mo; japhin: wa 392 yaug ngad: ra".
61-62 Tel Mela vogaung:- Tel Harsha vogaung:- Kherub vogaung:- Addon vogaung: we' Imma vogaung: mae" dam: tug' lo: ra" Delaia- Tobia- we' Nekoda amyu" kaung mae bobo ngadqere:- Israel myid:zo: qe ngad: ga: yao: bam yao: sagse: maqo" qhu" mo, wa 642 yaug ngad: ako".
63-64 O mae bo: ra" khinjaung kaung boe: qe wa yao: bam yao" phug' pho" byuxag' axam: re sagse: maqo" qhu" byid: ngad: ako". Hobaia- Hakoza- we' Barzilai amyu" kaung jham ngad: ako". (Khinjaung Barzilai kaung mae" phug' pho" dayaug wa- Gilead mae" Barzilai kaung mae" myiqe: dayaug re lo, xo' yu mung: yao" yaug pho" mang re yu: ra".) Yao: bam wa yao: bam yao" phug' pho" khag' khag' ngad: rure sagse: maqo" qhu" byid: gemung: yao: bam re khinjaung qekhyo" makhae: yu ngad: ako".
65 Yuda mung" eib zug: mo" wa khinjaung dayaug yaug: yang Urim we' Thummim maqo" qu" qu" wa Mao"So re qhaug' byid' ra" zo:ve re yao: bam magai: zo: genae" ga: yao: bam re ta" ra".
66-69 Pyaung" nha: to" rumae" dam: phao: tug' lo: ra" mo, alhab' wa- 42,360 yaug.
Yao: bam: daui daui yauggai we' daui daui myiqe: qe wa- 7,337 yaug.
Be; nghaui" ra" yauggai: we' myiqe: qe- 245 yaug.
Myao: jham- 736 dau:
Myao: kag' ja:- 245 dau:
gola:u jham- 435 dau:
Loze jham- 6,720 dau:
70-72 Byu myo: sho' mo, wa- Caung:pa" Yham re dam: tau: zhaug' rumae yhung: ang: ra" ngaui re boke' ako". Aibam wa mung" zug: pho" qhang thang the:
73 Khinjaung qe- Levi byu qe- Caung:pa" Yham lhaug' mo,- be; nghaui" mo,- yu" yu" byu myo: sho' mo,- Caung:pa" Yham mae mau" zaui: mo,- ce: Israel byumyu" alhab' wa Yuda vogaung: jham we' vomo" jham mae te" na: ako".