6
(Ikm 13:1-14, 15:25-16:6,43)
1 David gi Israela byumyu" khoug: mo ge thang da" gyizoo: soem" moin ri doem khe: zheing" to" wigi
2 Dungdab dei noem yi adang moo zhung: da" myhang: thang Aseing da" myeing bo da" Mangso Dang: Theing Kuid: ri yhe: dang wa shid re" nyangnu" ri Yuda mung" Bala voomoo" khyoo: shu" yhi: bye:.
3 Nyangnu" hau: ziri bouggung mo Abinadab da" yhoem: mo yu wigi rheing" aseig moo hau: ziri ke" to" ago". Abinadab da" nya: zoo: Uza yo' Ahio gi rheing" koin" lho:
4 Ahio gi shid moo so" da:.
5 David yo' Israela byumyu" yi dangain" gi Aseing ri coung" nghei khyo" wigi nyangnu" da" yoem: so' dangain" ziyo' go" lho: jikhoin" yo' coung" nghei nyid boem ago". Nyangnu" gi teing shi:- teing- zeing- khoolhang yo' jhabceing joem baid nyid boem ago".
6 Nakhon da" gug nang: jang: pa: moo nyangnu" ju" uri nuloo tang: zang" thung" leung loo" yoomo Uza gi nya: lo, yhoin" lho: Dang: Theing Kuid: ri zei: toem' yu da:.
7 Aseing Mangsoo gi Uza ri dalheing: dam nheig yo: ziyo' nyang: koid shoid pyam bye: da" yooboo yoomo said pyam bye:. Uza we' Dang: Theing Kuid: yam moo shid: jo, bye: ziyo'
8 Joyoo hau: ziri khanham we' Pereza Uza ga: myheing too" bye: da:. Aseing gi nheigloem: yoin ziyo' Uza ri dam byid: bye: yoomo David we' nheigloem: loung nyid da:.
9 Hau: thang: David we' Aseing ri gyoug ziyo' ?Akhid" he: Dang: Theing Kuid: ri ngoo khasu" ci: loo" wa la"? ga: tid.
10 Hougsu" nghoid yoomo nyang: gi hau: ziri nyang: yo' dage" Yerusalem khyoo: aci: yhi: looza: gootu: khyoo: khyo" wigi Gad voomoo" moo jo, da" Obed Edom da" yhoem: khyoo: ci: vang loo" bye:.
11 Hau: zigi hau: jang" moo lhammoo" soem" khyab jo, jo, bye: ziyo' Aseing gi Obed Edom yo' nya: ikoin deungkhu: byu yiri mainkaid byid: bye: zi nghoid.
12 Khokham David gi Dang: Theing Kuid: yoomo Obed Edom ikoin deungkhu: yo' nyang: yo" zi dangain" ri Aseing mainkaid byid: ga: ziri shoug" gyoo: lang" pui" zeing daloem: koid ziyo' Dang: Theing Kuid: ri Obed da" yhoem: mo zi Yerusalem khyoo: nyang: ci: loo" bye: zi nghoid.
13 Dang: Theing Kuid: vu, bang: khyug byi ce" thang: ri David gi Aseing ri nuloo: dadu: yo' xu: da" nunu" dadu: ri xoin" ngei" wa shid re" nyangnu" ri toem' too" bye:.
14 David gi nya: phyid" doem: moo zin: yung" pain" cu' ri yeug ci: wigi go" ziyo' nya: yoem: so' dangain" yo' Aseing ri coung" nghei phau" myang: bye:.
15 Hau: thang: ri nyang: yo' Israela byumyu" yi dangain" gi gau yi ziyo' nyho: wigi laboo" moid thui: yo' dage" Dang: Theing Kuid: ri Yerusalem khyoo: ci: loo" bye:.
16 Koid: ri vookhoug: khyoo: dang vang lo" uri Sholu da" nya: myiyi: nu" Mikhala gi bangzoo: khoem" mo yu" kaid ri khokham David gi gyeung" shang: da" go" ja: yo' go" lheing nyid ziri myang lang" nyang: ri yu" ngeing" nyid da:.
17 Kuid: shid re" David koid to" da" zoem" akhoug: nya: joyoo moo nyangnu" hau: ziri to" too" bye:. Hau: thang: ri nyang: gi xoin" yo' zoem" khau: xoin" ri Aseing jhang ngei" byid: bye: zi nghoid.
18 Nyang: xoin" bain ngei" thang: ri myhang: thang Aseing da" myeing yo' byumyu" yiri mainkaid byid: wigi
19 Nyangnu" dangain" ri zoo: shug gam byid: bye:. Nyang: gi Israela byumyu" yuggi myiyi: dangain" ziri zooyho' daloem: loem: shoo" dakhyi' khyi' yo' zabyid shi" kyug dajhi' jhi' byid: bye:. Hau: thang: yugkhang" moo" yhoem: khyoo: loo" khari" bye:.
20 Hau: thang: ri David gi nya: yhoem: byu yiri vhu" khoo' wa ga: yhoem: khyoo: vang lo" uri Mikhala thu lo wigi nyang: ri lhoem: tau yu da:. Xo' lho: nyang: gi ?Akhid" nyid" da" bidnyid ri Israela khokham gi nya: gung nyang: myeing gyi: sho' koid nyid bye: nhung: lha". Nyang: gi nya: gung ri nya: da" gyizoug: yi da" dei zoo: myiyi: yi shidkhoin" moo koo" su: yhang: ti" koid shug nyid bye: nhung? ga: tid.
21 David gi ?Re" phoo yo' nya: ikoin deungkhu: byu yi da" gungthid Israela byumyu" yi da" vhujhung: ngoo ri koid nhang: wa ga: ngoo ri khyen: yu da" Aseing ri coung" ngei" wa shid re" ngoo go" nyid zi nghoid. Hau: Aseing ri coung" ngei wa shid re" ngoo xo' wigi goo" wa zi nghoid.
22 Je wigi shang pyang: sho' koid shi" wa zi nghoid. Nang gi ngoo ri ci: anghoid ga: myid loug we' hau: myiyi: joem gi ngoo ri gye" myhang: khyo" she' myid wa zi nghoid.
23 Sholu da" myiyi: zoo: Mikhala gi khanham we' zooshang: ayoo" nghoid da:.