11
1 Israela byumyu" yi dangain" gi Hebron mo David jhang yhe: wigi tid boem zigi ?Ngoonu" gi re" shoo" re" suid" nghoid.
2 Lai lo da" ayo,- Sholu gi ngoonu" da" khokham koid nyid uri lang" nang gi Israela byu yiri gyi khaid pui" shu" vhu" she: loo bye:. Nya: byumyu" yiri nang shu" vhu" she: wigi nyangnu" ri vhoebkhang" su: bue" loo wa ga: re" Aseing Mangsoo gi nang ri dangsoo" byid: too" bye:? ga: tid ago".
3 Houg: yoomo Israela vhujhung: yi dangain" gi Hebron mo khokham David jhang re" lo ago". Nyang: gi nyangnu" yo' gyeung" shang: myid veing" bidnoem koid da:. Nyangnu" gi nyang: ri xu: joid byid: wigi Samuela khyo" wigi Aseing dangsoo" byid: to" ziyo' dayhang: ti" David gi Israela khokham bue" lo da:.
4 Ref 11:4 Yos 15:63: Trg 1:21. Khokham David yo' Israela byu yi dangain" gi Yerusalem ri gyi yhe: zain: ago". Houg moo: Yebu ga: myeing thu da" byu yi yo' hau: moug: mo nyid xoug" Yebusi byu yigi nyid boem ashi".
5 Yebusi byu yigi David ri voomoo" khyoo: khanham we' ayo" vang yhi: wa ga: tid nghoid loug we' David gi nyangnu" da" Ziun gyidab voomoo" ri seing: yu pyam lho: hau: zigi ?David Voomoo"? ga: myeing yo" lo da:.
6 David gi ?Yebusi byu yiri xang shi" said da" su: gi gyidab moo: gyizoug: bui" wa? ga: tid da:. David da" nhammoo" Zeruia da" yuggi zoo: Yoab gi gyi khaid pui" ri shu" vhu" she: wigi gyizoug: moo" bue" lo da:.
7 David gi hau: gyidab voomoo" moo: yhe: nyid nyid yoomo hau ziri ?David Voomoo"? ga: myheing ago".
8 Nyang: gi voomoo" ri doem zhug da:. Boug gung da" bidthu shoid moo: myidzhoo" ri pyeing wigi koid shid" da:. Yoab gi voomoo" da" deing jo, du ri koid da:.
9 Yoem: moo" bo Aseing gi: David yo' dage" nghoid yoomo David gi je je yoem: bo re" da:.
(2 Sam 23:8-39)
10 Hid bang: gi David da" myeing gyi: da" gyizoo: yi myeing zhayhen" nghoid da:. Deing da" Israela byumyu" yi yo' dage" nyangnu" gi Aseing wigi dangsoo" byid: to" ziyo' nyang: ri khokham bui" sho' pang" thoug byid: wigi nyangnu" gi nya: mungdain: ri yoem: bo jo, sho' pang" thoug da:.
11 Xang: shi" yug gi Hakmoni kung: mo Yashobeam nghoid. Nyang: gi ?Soem" yug? da" vhujhung: nghoid. Nyang: gi nya: lham: yo' byu soem" shoo: yug ri gyi zain: wigi nyangnu" dangain" ri gyipui" moo: said pyam da:.
12 Myeing gyi: da" ?Soem" yug? mo thang: dayug gi Ahohi kung: mo Dodo da" yuggi zoo: Eliaza nghoid da:.
13 Nyang: gi Pasdamim gyi khaid pui" moo: David shoid khyoo" Philisti byu yiri gyi zain: da:. Israela byumyu" yi tang" phang: lo" nyid uri nyang: gi Yoono, yoo moo: nyid nyid da:.
14 Houg: yoomo nyang: yo' nya: byu yigi yoo gung moo: joyoo yu wigi Philisti byu yiri gyi zain: ago". Aseing gi nyang: ri gye" oung: doid nhang: bye:.
15 Danyid" ri gyizoo: soem" xi: mo soem" yug gi Adulam lug khyung: nam mo David nyid nyid da" lug pyung: khyoo: yhe: lo" da:. Hau: uri Philisti byu daphung: Rephim lang: khung" mo: dab koid nyid ago".
16 Hau: ayo, moo: David gi bouggung mo gyidab moo: nyid da:. Philisti byu daphung: gi Bedlehem ri seing: yu pyam da:.
17 David gi yhoem: khyoo: myid wigi ?Bedlehem voogung khoem" nam moo: jo, da" gyid thung" mo gyid dayug yug ngoo ri kham: jhug yhoo: o"? ga: tid da:.
18 Myeing gyi: da" gyizoo: soem" yug gi Philisti byu yi dab khyo" phyed vang yhe: wigi hau: gyid thung" mo gyid yhe: kham: yu lho: hau: ziri David jhang ci: loo" byid: da:. Nghoid loug we' David gi hau: ziri ashug nghoid da:. Hau: gungthid Aseing ri shugbyid: da" xoin" khyo" nyang: gi hau: ziri foid khyo' pyam lho:
19 ?Ngoo khasu" nyang: ayo" shug- he: zigi kangso' ri shug byid: pyam wigi koid to" da" byu yi da" suid" ri shug yhang: ti" nghoid nyid? ga: tid. Hougsu" yoomo nyang: hau: ziri ashug nghoid da:. He: joem gi myeing gyi: da" gyizoo: soem" yug agyug avoem koid da" moo" nghoid.
20 Yoab da nya: nhung" Abishai gi myeing gyi da" byu soem" xi: yug da" vhujhung: nghoid. Nyang: gi nya: lham: yo' byu soem" shoo: yug ri gyi zain: wigi nyangnu" ri said pyam bye:. Houg: lho: soem" xi: yug phung: moo: myeing gyi: lo da:.
21 Nyang: gi soem" xi: yug mo myeing gyi: thang" yug nghoid wigi nyang: gi houg: bang: da" vhujhung: bue" lo da:. Nghoid loug we' nyang: gi soem" yug yhi' myeing agyi: nghoid da:.
22 Kabzela mo Yehoiada da" yuggi zoo: Benaia gi myeing gyi: da" gyizoo: nghoid da:. Nyang: gi yoem: bo da" Moba sarhi' eig yug ri said pyam zi bo bo wigi sarhi' moo" myoo" sho' ri koid su: nghoid. Dalheing: ri nyang: gi gyu: khyo' nyid da" bidnyid moo duang: daloem: khyoo: gyoo" yhe: wigi khang: khyi: dadu: ri said pyam da:.
23 Nyang: gi lham: sheing: zeing ci: su: nyhed pe: khyug lo, shi" myang: da" Egutu byu dayug ri we' said pyam da:. Benaia gi hau: su: ri thung" keing: wigi baid lho: Egutu byu da" lo, mo lham: ri lhoid yu wigi hau: su: ri said pyam da:.
24 Hau: joem gi soem" xi: yug mo dayug nghoid da" Benaia da" sarhi' moo" zoo" joem nghoid da:.
25 Nyang: gi soem" xi: yug da" phung: moo bug thu' su: nghoid da:. Nghoid loug we' soem" yu yhi' myeing agyi: shi" nghoid da:. David gi nyang: ri nya: kang: zung" vhujhung: khyo" to" to" da:.
26-47 Hid: bang: gi boug thu sheing" jhu" da" gootu: gyizoo: yi nghoid da:.
Yoab da" nya: nhung" Asahela.
Bedlehem mo Dodo da" nya: yuggi zoo: Elhana.
Harod mo Shamod
Peled mo Heleza
Tekoa mo Ikesha da" yuggi zoo: Ira
Anathod mo Abieza
Husha mo Sibekhai
Aho mo Ilai
Netopha mo Maharai
Netopha mo Bana da" yuggi zoo: Heled
Benyamin moug: Gibea mo Ribai da" yuggi zoo: Ithai-
Pirathon mo Benaia
Gasha nam lang: khung" joem mo Hurai.
Arba mo Abiela.
Bahurum mo Azmaved
Shalbon mo Eliaba
Gizon mo Hashem
Hara mo Shage da" yuggi zoo: Yonathan
Hara mo Sakhara da" yuggi zoo: Ahiam
Ura da" yuggi zoo: Eliphala
Mekhera mo Hephera
Pelon mo Ahiya
Khamela mo Hezro
Ezbai da" yuggi zoo: Naarai
Nathan da" nya: nhung" Yoela
Hagri da" yuggi zoo: Mibhara
Amon mo Zeleg
Berod mo Yoab da" gyi jonu" vu su: Naharai
Yatira mo Ira yo' Gareb
Hiti byu Uria
Ahlai da" yuggi zoo: Zabad
Shiza da" yuggi zoo: Adina (Nyang: gi soem" xi: yug da" gyizoo: phung: yo' dage" Ruben kung: mo vhujhung: moo: bo boo su: nghoid da:.
Makha da" yuggi zoo: Hanan
Mithan mo Yoshaphad
Ashtera mo Uzia
Aroera mo Hotham da" yuggi zoo: tang: Shaman yo' Yeiela.
Tiza mo Shimri da" yuggi zoo: Yediaela yo' Yoha.
Mahava mo Eliela
Elnam da" yuggi zo tang: Yeribai yo' Yoshavia
Moba mo Ithma
Zoba mo Eliela- Obed yo' Yasiela bang: nghoid ago".