KHOKHAM MHOOMYID:
MOUGSOUG" PUG' DA LOEM:
(1 Chronicles)
Khokham mhoomyid: eig pug gi Samuela yo' khokham mougsoug" pug joem moo: lhid" xoem" to" da" khyoo: joem ri doem pug lhid" to" zi nghoid. Nghoid loug we' myo, jang shai" go" da:. Khokham mhoomyid: pug joem ri Israela khokham mhoomyid: khyoo: yo" sen: lho: yhouggyen: khyoo: eig loem: ri myid byu wigi lhid" to" da:.
1) Israela yo' Yuda mungdain: atho' moo: kyi" khyeug zi gyo" zang" nghoid loug we' Mangsoo gi byumyu" yi shid re" nya: dangsoo" ri zoem: ci: shi" ziyo' Yuda mung" moo: nyid bang: khyo" wigi: nya: byumyu" yi shid re" nyang: soin' to" da" khyoo: ri koid thu wa khyoo: ri ci: shug wa shid re" nghoid. He: koo" hkam: shid re" ayang: zhug khyo" mougsoug" lhid" su: gi David yo' Sholumon da" gyi sheing: oung: myug khyoo: joem Yehoshaphad- Hezekia yo' Yoshia bang: da" doem nyheing koid khyoo: joem byumyu" yi Mangsoo ri jhug zug tung" nyid nyid boem khyoo: ri ci: shug loo bye:.
2) Yerusalem mo Noku Yhoem: Moo" moo: Mangsoo ri noku khyoo: xang: shi" bue" lo khyoo: yo' je wigi khainjung yi yo' Levi byu yi zei lo da" noku khyoo: ri tid kyoo" wa shid re" nghoid da:. Sholumon gi Noku Yhoem: Moo" ri: zhug su: nghoid loug we' Noku Yhoem: Moo" da" ayang ri zhug su: yo' hau: thung" joem ri koid too" su: gi David nghoid khyoo: ri tid to" da:.
1
(Apm 5:1-32; 10:1-32; 11:10-26)
1 Adam gi Shed da" nya: phoo- Shed gi Enusha da" nya: phoo- Enusha gi Kenan da" nya: phoo-
2 Kenan gi Mahalalela da" nya: phoo- Mahalalela gi Yared da" nya: phoo-
3 Yared gi Enug da" nya: phoo- Enug gi Mathusela da" nya: phoo- Mathusela gi Lameg da" nya: phoo-
4 Lameg gi Noa da" nya: phoo- Noa gi Shem- Ham yo' Yaphed ga: da" yuggi zoo: soem" yug yo".
5 Yaphed da" yuggi zoo: yigi Goma- Magoga- Madai- Yavan- Tubala- Mesheg- Tira bang: nghoid ago". Nyangnu" gi nyangnu" da" myeing ri yhoemkhung: myeing myheing loo" bang: da" phoug" phyid" yi nghoid da:.
6 Goma da" amyed ashen yigi Askhena- Riphad- Tugama byu yi nghoid ago".
7 Yavan da" amyed ashen yigi Elisha- Spain- Kupru- Rodesa byumyu" yi nghoid ago".
8 Ham da" yuggi zoo: yigi Khusha- Egutu_ Libya yo' Khanan bang: nghoid da:. Nyangnu" gi nyangnu" da" myeing ri yhoemkhung: myeing myheing loo" bang: da" phoug" phyid" yi nghoid da:.
9 Khusha da" amyed ashen yigi Seba- Havila- Sabtha- Rama- Sabthekha byumyu" yi nghoid ago" Rama da" amyed ashen yigi Sheba yo' Dedan byumyu" yi nghoid ago". (
10 Khusha gi Nimrod ga: da" yuggi zoo: dayug yo" da:. Nyang: ga: mougmyid tho' moo: xang: shi" gyi sheing: thang da" gyi oung: doid su: bue" lo da:.)
11 Egutu da" amyed ashen yigi Ludia- Anam- Lehab- Nabthu-
12 Pathru- Khaslu yo' Kreti byumyu" yi nghoid wigi Kreti (mo zi Philisti byu yi nyid gyo" re" ago").
13 Khanan da" yuggi zoo: yigi zooshid" Sidon yo' Hed tang: nghoid da:. Nyang: tang: gi nyang: tang: da" myeing ri yhoemkhung: myeing myheing loo" bang: da" phoug" phyid" tang: nghoid da:.
14 Khanan gi Yebusi- Amori- Girgashi-
15 Hivi- Arki- Sini-
16 Arvadi- Zemari yo' Hamad byumyu" yi da" phoug" phyid" nghoid da:.
17 Shem da" yuggi zoo: yi nghoid da" Elam- Ashura- Arphaza- Luda- Aram- Uza- Hula- Getha- yo' Mesheg bang: gi nyangnu" da" myeing ri yhoemkhung: myeing myheing loo" bang: da" phoug" phyid" yi nghoid da:.
18 Arphaza gi Shela da" nya: phoo- Shela gi Ebera da" nya: phoo-
19 Ebera gi yuggi zoo: eig yug yo" da:. Dayug myeing gi Pheleg nghoid da:. Ciwim gari nya: pyaid moo: mougmyid byu xangsu: yi kho' lo boem yoomo nghoid. Gootu: dayug da" myeing gi Yoktan nghoid da:.
20 Yoktan da" amyed ashen yigi Almoda- Sheleb- Hazarmaved- Yerah-
21 Hadoram- Uzala- Dikla-
22 Ebala- Abimela- Sheba,
23 Ophira- Havila- yo' Yoba bang: nghoid da:.
24 Shem mo zi Abram ju" sho' yhoemkhung: byu yigi vho: mo yo' dakhyo" nghoid da:. Shem- Arphaza- Shela-
25 Ebera- Pheleg- Reu-
26 Serug- Nahora- Tera-
27 yo' Abram (Abraham ga: we' myeing yoo" su:) nghoid ago".
(Apm 25:12-16)
28 Abraham gi Isag yo' Ishamaela ga: da" yuggi zoo: eig yug yo" da:.
29 Ishmaela da" yuggi zoo: yigi byumyu" daxe: eig kung: bang: da" vhujhung: yi bue" lo boem. Houg: bang: gi Nebaiod (Ishmaela da" zooshid" yuggi zoo: myeing mo shid" wigi) Kedara- Adebela- Mibsam-
30 Mishma- Duma- Masa- Hadada- Tema-
31 Yetura- Naphisha yo' Kedema bang: nghoid ago".
32 Abraham gi Ketura ga: da" dang cang: myhi' dayug yo" da:. Hau: yug gi nyang: ri zooshang: khyug yug khu: byid: da:. Houg: bang: gi Zimran- Yokshan- Medan- Midian- Ishbag yo' Shua bang: nghoid da:. Yokshan gi yuggi zoo: eig yug yo" da:. Hau: tang: gi Sheba yo' Dedan nghoid.
33 Midian gi yuggi zoo: wim: yug yo". Houg: bang: gi Epha- Ephera- Hanug- Abida yo' Elda bang: nghoid.
(Apm 36:1-19)
34 Abraham da" yuggi zoo: Isag gi Eso yo' Yaku ga: da" yuggi zoo: eig yug yo" da:.
35 Eso da" yuggi zoo: yigi Eliphaza- Reuela- Yeusha- Yalam yo' Kora bang: nghoid da:.
36 Eliphaza gi vhoo: moo: lhid" to" da" byumyu" kung: yi da" phoug" phyid" bue" lo da:. Houg: bang: gi Teman- Omara- Zephi- Gatam- Kenaza- Timna- Amaleg kung: bang: nghoid.
37 Houg: lho: Reuela gi Nahad- Zera- Shama- Miza kung: bang: da" phoug" phyid" bue" lo da:.
(Apm 36:20-30)
38-42 Edom mung" mo nyid xoug" yigi vhoo moo: lhid" to" da" Seira da" yuggi zoo: yi mo byo gyoo" lo da" bang: nghoid da:.
Lotan gi Hori yo' Homan kung: da" phoug" phyid" nghoid. (Lotan gi Timna ga: da" nhammoo" dayug yo" da:.)
Shobala gi Alvan- Manahad- Ebala- Shephi- Onam kung: bang: da" phoug" phyid" nghoid.
Zibeun gi Aiah yo' Ana ga: da" yuggi zoo: eig yug yo" da:. Ana gi Dishon da" nya: phoo nghoid wigi Dishon gi Hamran- Eshaban- Ithran yo' Kheran kung: bang: da" phoug" phyid" nghoid.
Ezera gi Bilhan- Zavan yo' Yakan kung: bang: da" phoug" phyid" nghoid.
Dishan gi Uza yo' Aran kung: bang: da" phoug" phyid" nghoid.
(Apm 36:31-43)
43-50 Israela mung" moo: khokham yi dayug we' anyid shi" mo vhoo: mo khokham yigi Edom mung" moo: dayug thang: dayug vhoebkhang" lo boem bye:.
Dinhaba mo Beora da" yuggi zoo: Bela.
Bozra mo Zera da" yuggi zoo: Yobab
Teman meing mo Husham-
Avid mo Bedad da" yuggi zoo: Hadada (Nyang: gi Midian byu yiri Moba mung" mo gyipui" mo: khaid oung: pyam da:.)
Masreka mo Samla.
Gyid lang yam moo: jo, da" Rehobod mo Shaula.
Akbora da" nya: zoo: Bala Haman.
Pau mo Hadada (Nya: yhoem: seing: myhi' gi Mehetabela nghoid wigi Mezahab da" myid: zoo: Matred da" myiyi: zoo: nghoid da:.)
51 Edom byu yigi vhoo: moo lhid" to" da" byumyu" kung: yi kho' lo" byug da:.
52 Oholibama- Ela- Pinon-
53 Kenaza- Teman- Mibzara-
54 Magdiela yo' Iram byumyu" kung: yi nghoid ago".