COUNG" NGHEI 86
1 Aseing we" ngoo ri pang" thoug wa byu abo ziyo' yoem nu: nyid yoomo
ngoo mho' nyhoem: khyo' dang: ri tam" gyo: lho: tu" byid: we'.
2 Ngoo gi nang moo: dang: zung" su: nghoid yoomo
shid: lo" jang" mo ngoo ri khyoid yu byid: we'.
Ngoo gi nang ri loem khau: nyid ziyo'
re" da" dei zoo: nghoid nyid yoomo ngoo ri khyoid yu we'.
3 Nang gi nga" Mangsoo nghoid yoomo
ngoo ri nheug khyeug shi" we'.
Ngoo gi nyid" goin re" jang" moo: akyu" mho' nyid.
4 Aseing we" nga" noku da" dang: khoin" joem gi re" jang" moo:
ju" do, lo nyid yoomo re" da" dei zoo: ri gau yi ngei pyoo: nhang: we' o".
5 Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid.
Nang ri akyu" mho' nyid mo, dangain" bang: shid re"
re" da" geung: teung jhed khyeing: kang: khyeing: ri
joeb, joeb, byeung" byeung" kham: zoo: nhang: nyid bye:.
6 Aseing we" nga" akyu" mho' da" dang: ri tam" gyoo: byid: we'.
Pang" thug byid: wa shid re" ngoo mho' yoid thui: ri gyoo: byid: we'.
7 Nga" noku thui: ri nang tu" byid: bye: yoomo yau:
khe" ayo, moo ngoo nang ri yoid bye:.
8 Aseing we" nang yo' du da" Mangsoo gootu: dayug we' anyid loo-
nang koid too" bye: moo" zoo" te" zi hang" we' ayo" koid.
9 Nang phain" so: to" da" byumyu" dangain" mo, gi
re" jang" moo: re" lho: poid thoug lo boem wa nghoid.
Nyangnu" gi re" da" nghoid thang khyoo: ri
coung" byid: lo boem wa zi nghoid.
10 Nang gi gyi: myhang: thang su: nghoid wigi
mau" pho" moo" zoo" ri zei: nyid da:.
Nanyang: kyeing" Mangsoo danghoid nyid.
11 Aseing we" nang ngoo ri koid nhang: nau da" khyoo: ngoo ri jhau" byid: we'.
Ngoo nang ri gye" loem: lug khyo" tam" gyoo: byid: nyid wa.
Ngoo nang ri bain sho' loem khau: noku da" emyed yo'
nang ri bo pang" zei: nyid wa khyoo: ngoo ri jhau" byid: we'.
12 Aseing nga" Mangsoo we"- ngoo nang ri nga" emyed dangain" yo'
coung" nghei nyid wa nghoid.
Re" da" nghoid thang khyoo: ri ngoo pyaid didu moo: datid kyo" nyid wa zi nghoid.
13 Re" da" geung: teung jhed khyeing: kang: khyeing: gi
nga" shid re" khayhi' gyi: sheung: geung: teung jo, lha".
Nang gi ngoo ri loeb duang: khoug: mo nyang: khyoid khyi: yu abye:.
14 Mangsoo we"- nghoid boin: lho:
phau: khuang nyid da" byu yigi ngoo ri re" tu: lhoem" nyid ago".
Nang ri cishu: anhang: bang: yo' nheig khyeug shoo" myen: ase da"
byu daphung: bang: gi ngoo ri said pyam wa ga: soin' nyid ago".
15 Nghoid loug we' Aseing we" nang gi nheug khyeug shoo" myen: se' ziyo'
jheddab se' da" Mangsoo nghoid.
Nang gi khanham we' kham zeing: su:
nheigloem: zung" su: yo' nheug khyeug su nghoid.
16 Ngoo ri: yu" goin coung: nheug khyeug yu we'
ngoo gi nga" myhi' ri yhang: ti"
nang ri dei byid: nyid yoomo ngoo ri
yoem lung: byid: lho: khyoid yu we'.
17 Aseing we" re" da" ge lho, khyoo:-
ngoo ri sagse: toin" shed byid: we'.
Nang ngoo ri byid: da" ngei pyo: khyoo: yo'
pang" thoug khyoo ri shau" myang da uri
ngoo ri ngheung" nyid mo, gi asho' ashed: zi
shoug" lo" byoug boem wa nghoid.