COUNG" NGHEI 54
1 Mangsoo we"- re" da" myonhoo: phung" yoeb yoem: moo" yo' ngoo ri khyoid yu we'.
Re" da" gyi: thang yoem: moo" yo' ngoo ri lhoid pyoin kaid we'.
2 Mangsoo we"- nga" da" akyu" mho' thui: ri tam" gyoo: byid: we'.
Nga" nhoid khoin" thui: joem ri tam" gyoo: byid: we'.
3 Phau: khuang nghoid boin: nyid bang- ngoo ri thougtheung lo boem ziyo'
Mangsoo ri cishu: anhang: da- nheug khyeug shoo" myen: asi, mo, gi
ngoo ri re" said wa ga: yoem: kaid nyid boem bye:.
4 Nghoid loug we' Mangsoo gi ngoo ri pang" thoug yu su: nghoid.
Hau: Aseing gi ngoo ri goem loem byid: su: nghoid.
5 Nga" gyivoo joem ri dam kaid byid: wa shid re" Mangsoo gi
nyangnu" da" akhyeung" ziyo' latoo: doem phug byid: baja".
Nyang: gi deungmain" su: nghoid yoomo nyangnu" ri mhoin' pyam wa zi nghoid.
6 Aseing we" ngoo gi nang ri gau yi da" myid yo' joeb byeung" da" xoin" ri to' byid: wa zi nghoid.
Nang gi gisu: nghoid yoomo ngoo nang ri jeju" boin: nyid wa zi nghoid.
7 Nga" da" yau: khe" khyoo: dangain" jang" mo nang ngoo ri xue: yu abye:.
Nga" gyivoo joem soem" joem: lo" ziri ngoo myang bye:.