COUNG" NGHEI 46
1 Mangsoo gi ngoonu" da" nghe: khoug: joyoo yo' yoem: vhoo" nghoid nyid.
Kyi" khyeug nyid da" ayo, moo pang" thoug yu wa shid re"
kha: u" we' jen" nyid gu nghoid.
2 Houg: yoomo mougmyid gi nain" lo- boem lang joem gi
nammugdara thi" khyoo: noeb gyoo" lo" rilang" gi
ngoonu" gi gyoug dain zi shoug" wa anghoid.
3 Panglai: gyid yi dei, ga: myeung to' lo ziyo' being: mhoid joem vung ga: to' loo yoomo
bouggung joem gi danain" nyid loo: nghoid loug we' ngoonu" gyoug wa zi anghoid.
4 Hau: joyoo moo Mangso voomoo" yo' myhang: thang su da" gyeung" shang: yoem: moo" khyoo: yo'
ngei pyo: khyoo: ri ci: lo da" gyid moo" dalang yau nyid.
5 Mangsoo gi hau: voo moo nyid wigi hau: voogung gi khanham we' lhu: phyo' pyam zi shoug" wa anghoid.
Nab kyoo: no' re- hau: voogung ri nyang: pang" thoug yu wa shid re" thu' re" loo wa.
6 Byumyu" yigi gyoug dain' nyid boem abye:.
Mungdain: joem gi lei: nyid bye:.
Mangsoo gi moug goem: goem: kaid lho:
moug: gyab, goin" gi yau, yu: loo" bye:.
7 Gyi: myhang: da" Aseing gi ngoonu" yo' dage" nyid nyid.
Yaku da" Mangsoo gi ngoonu" da" phang: khoug: jang: lug ug nghoid.
8 Ri" ge'- Aseing koid to" moo" zoo" ri yu" yu" we'.
Mougmyid tho' moo: nyang: koid too" bye: mau" pho" moo" ri yu" yu" ge'.
9 Nyang: gi mougmyid tho' mo gyipui" dangain" ziri no: loo" nhang: lho:
lid: joem ri khyau" pyam, wigi lham: toid joem ri we'
adu atoem' koid pyam wigi gyi goo, joem ri myi: yo' nghe' pyam bye:.
10 Nyang: tid zigi Meing: zain: go" khyoo: ri no: pyam ge'.
Ngoo gi Mangsoo nghoid- ngoo gi byumyu" yi da" mo, phung: gung moo: we'
mougmyid pyaid goin" da" atho' moo: we' myhang: thang su: nghoid ziri si' we'.
11 Gyi: myhang: da" Aseing gi ngoonu" yo' dage" nyid.
Yaku da" Mangsoo gi ngoonu" da" khoug: loo joyoo nghoid.