COUNG" NGHEI 3
1 Aseing we"- ngoo moo gyivoo myoo" sho' nyid nyid-
myoo" sho bang: ngoo ri tu: lhoin" lo nyid boem bye:.
2 ?Mangsoo gi nyang: ri pang" yu loo zi anghoid? ga: wigi nyangnu"
nga" da" khyoo: ri tid nyid ago".
3 Nghoid loug we' Aseing we" nang gi khanham we' gyoug ci'
joyoo mo goem loem yu nyid da" goo nghoid.
Nang gi ngoo ri oung: lo" khyoo: phang byid: ziyo'
ngoo ri sarhi' yo" koid da" nheigloem: kaid byid: nyid.
4 Pang" thoug yu wa shid re" Aseing ri ngoo yoid nyid.
Nyang: gi ngoo ri nya: da" gyeung" shang: boem tho' mo
tam" gyoo: byid: nyid.
5 Ngoo gi jhang" lho: yhoeb jo,
Aseing gi ngoo ri damyen goin" goem loem lhoug zung" byid: nyid.
6 Nga" gyivoo moin sen: joem ngoo ri shoid zoo shoid zeing khyoo"
lheung khoem too" nghoid loug we' ngoo ci: agyug.
7 Aseing we" ri" we' nga" Mangsoo we"- ngoo ri khyoid yu we'
nang gi nga" gyivoo yi dangain" bang: ri
yo' shen" yhen ziyo' nyangnu" da" yoem: ri
nang yo" khyau" pyam byid: nyid.
8 Oung: doid lo" khyoo: gi Aseing jang" mo za: nghoid nyid.
Nyang: gi nya: da" byumyu" yi atho' moo
mainkaid byid: nyid baja" o".