COUNG" NGHEI 149
1 Aseing ri coung" byid: ge'.
Aseing ri jikhoin" dang: seig yo' khoin" ge'.
Nya: nheigloem: zung" da" byumyu" yi mo, phung: gung moo
nyang: ri coung" byid: we'.
2 Israela byumyu" yi we"-
nanu" ri phain" so: to" da" Aseing yoomo gau, yi nyid we'.
Ziun da" byumyu" yi we"-
nanu" da" khokham phoo yoomo gau, yi phau: khuang: nyid we'.
3 Nya: myeing khyang" ri goo" nhoin' lho: coung" byid: ge'.
Zeing baid mang" thoung wigi
teing joem ri baid lho: wigi nyang: ri coung" byid: nyid we'.
4 Aseing gi nya: byumyu" yiri vho: ngei nyid wigi khyo' nyhoem: nyid bang: ri
oung: doid ziyo' myonhoo: ngi: shab byid: nyid.
5 Mangso byumyu" yigi nyangnu" oung: doid loo" khyoo: moo
gau, yi ngei pyo: nyid goo" baja"- gau, yi ziyo'
damyen goin" jikhoin" lid jhoem" kaid nyid goo" baja".
6 Mangsoo amyeing" byid: to" ziyo' dakhyoo" ti"
byumyu" yi da" mungdain: ri oung: loo" wa shid re"
byumyu" cang: joeb, bang: ri yooboo dam, kaid byid: wa shid re.
7 Nyangnu" da" khokham yiri myheug she: yu wa shid re"
Nyangnu" da" vhujhung: yiri jang co" wigi tei" she: loo" goo" wa shid re"
8 Byumyu" dangain" bang: ri yooboo dam, byid: wa shid re"
nyangnu" gi tho' da" sham: pyeing" ri lo, moo: ci: lho:
gyi" sho' zeug nyho: lho: wigi Mangsoo ri coung" nghei goo" baja".
9 He: khyoo: gi Mangso byumyu" yi da" oung: doid lo" khyoo: nghoid
Aseing ri coung" nghei nyid we'.